මෙරට තුළ ත්රස්තවාදයට කිසිදු ඉඩක් නොමැති බව ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මහතා පවසයි.
රාජ්ය අමාත්යවරයා පෙන්වාදෙන්නේ ත්රස්තවාදී ක්රියාවලට අනුබලදෙන ඕනෑම ආකාරයක ක්රියා සම්බන්ධයෙන් දැඩි ක්රියාමාර්ග ගන්නා බවය.
තුර්කියේ සංචාරයක නිරතව සිටින ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මහතා එරට ආරක්ෂක අමාත්ය ෆාසා ගුලර් මහතා හමුවූ අවස්ථාවේ දී මේ බව සඳහන් කර තිබේ.
ෆේතුල්ලා ගුලේන් කණ්ඩායම විසින් මෙහෙයවන ලද ෆේතුල්ලා ත්රස්තවාදී සංවිධානය මර්දනය කිරීමට ශ්රී ලංකා රජයේ බුද්ධි අංශ සහ ආරක්ෂක අංශ දැක්වූ දායකත්වය තුර්කි ආරක්ෂක අමාත්යවරයා එහිදී අගය කළ බව ආරක්ෂක අමාත්යංශය සඳහන් කළේය.
මෙම හමුවේ දී තුර්කිය සහ ශ්රී ලංකාව අතර ද්වීපාර්ශ්වික සහයෝගය වර්ධනය කිරීම සම්බන්ධයෙන් ද වැඩි අවධානයක් යොමුව තිබේ.