හම්බන්තොට යුද්ධ හමුදා බුද්ධි අංශයේ නිළධාරීන්ට ලද තොරතුරකට අනුව රුපියල් ලක්ෂ 80ක් වටිනා ඇම්බර් කිලෝ 08ක් සමග සැකකරුවන් දෙදෙනෙකු මාතර දෙවිනුවර ප්‍රදේශයේ දී මාතර අපරාධ කොට්ඨාශ නිළදාධාරීන් විසින් ඊයේ (20) සවස අත්අඩංගුවට ගෙන තිබෙනවා.
මෙලෙස අත්අඩංගුවට පත්ව ඇත්තේ මිරිස්ස පදිංචි 29 හැවිරිදි පුද්ගලයෙකු හා වැලිගම පදිංචි 34 හැවිරිදි පුද්ගලයන් දෙදෙනෙකු බවයි පොලිසිය පවසන්නේ.
සැකකරුවන් පිලිබඳව හම්බන්තොට යුද්ධ හමුදා බුද්ධි අංශ නිළධාරීන්ට ලද තොරතුරකට අනුව දකුණු පළාත් නියොජ්‍ය පොලිස්පතිවරයා යටතේ ක්‍රියාත්මක මාතර අපරාධ කොට්ඨාශ විමර්ශන ඒකකයේ නිළදාධාරීන් එකව මෙම වැටලීම සිදුකර තිබෙනවා.
තල්මසුන්ගේ ශරීරයෙන් ලබා ගන්නා ඇම්බර් ලොව මිලෙන් අධිකම සුවද විලවුන් නිශ්පාදනය සදහා යොදා ගන්නා අතර, ලංකාව තුල ඇම්බර් අලෙවිය හා ලග තබා ගැනීම තහනම් වෙනවා.
අත්අඩංගුවට ගත් සැකකරුවන් දෙදෙනා වැඩිදුර විමර්ශන සදහා ගන්දර පොලීසියට බාර දී ඇති අතර සැකකරුවන් මාතර මහේස්ත්‍රාත් අධිකරණයට ඉදිරිපත් කිරීමට නියමිතයි.