එළිසබෙත් ඇන්ඩර්සන් සියේරා නම් ඇමෙරිකානු ජාතික දෙදරු මවක් තම මව් කිරි පරිත්‍යාග කරමින් ලෝක වාර්තාවක් පිහිටුවා ඇත.වසර තුනක කාලයක් තුළ මව් කිරි ලීටර් 1599.68 ක් පරිත්‍යාග කරමින් එළිසබෙත් මෙම ලෝක වාර්තාව පිහිටුවීමට සමත් වී තිබේ.
ඇමෙරිකා එක්සත් ජනපදයේ ඔරිගොන් ප්‍රාන්තයේ අලෝහා හි පදිංචිකාරිනියක වන එළිසබෙත් 2015 පෙබරවාරි 20 සිට 2018 ජූනි 20 දක්වා මව් කිරි ලීටර් 1599.68 ක ප්‍රමාණයක් පරිත්‍යාග කර ඇත.
ලෝක වාර්තාව සඳහ 2015 සිට 2108 වසර දක්වා වසර තුනක කාලය පමණක් ගණන් බලා ඇතත් තමන් මේ දක්වා පසුගිය වසර නවයක කාලය තුළ මවු කිරි අවුන්ස 350000 ක ප්‍රමාණයක් පරිත්‍යාග කර තිබෙන බවත් එම මව් කිරි නොමේරු ළදරුවන් පෝෂණය කරමින් ජීවිත දහස් ගණනක් බේරාගැනීමට සමත් වූ බවත් එළිසබෙත් ප්‍රකාශ කර තිබේ.ඉන් ජීවිත කොපමණ සංඛ්‍යාවක් බේරාගෙන තිබේදැයි නිශ්චිතව පැවැසිය නොහැකි බව එළිසබෙත් පෙන්වා දී තිබේ.
තමගේ සිරුරේ ප්‍රෝලැක්ටින් හෝමෝනය වැඩි වශයෙන් නිපදවෙන බවත් ඒ හේතුවෙන් සෑම විනාඩි කිහිපයකට වරක් තම සිරුරේ මව් කිරි නිපදවෙන බවත් ඇය පවසා ඇත.එය රෝගී තත්ත්වයක් වුවත් ඉන් නොසැලී ඉදිරියටත් තම මව් කිරි වලින් ලෝකයේ දරුවන් පෝෂණය කරන බව ඇය පෙන්වා දී තිබේ.