දිවයිනේ රෝහල් කිහිපයකින් වාර්තා වී ඇති ආසාත්මිකතා සම්බන්ධයෙන් සෞඛ්ය සේවා අධ්යක්ෂ ජනරාල්වරයා රෝහල් බලධාරීන් දැනුවත් කිරීමට පියවර ගෙන තිබේ.
ඊයේ (17) රාත්රියේ මීට අදාළ සාකච්ඡාවක් සෞඛ්ය සේවා අධ්යක්ෂ ජනරාල්වරයාගේ ප්රධානත්වයෙන් පවත්වා ඇති අතර ඊට රෝහල් අධ්යක්ෂවරුන්, විශේෂ ශ්රේණියේ හෙද නිලධාරීන් ඇතුළු සෞඛ්ය පරිපාලන නිලධාරීන් එක්ව ඇති බව සඳහන්ය.
මෙහිදි යම් ආසාත්මිකතාවක් ඇති වුවහොත් ඒ සම්බන්ධයෙන් ක්රියාකළ යුතු ආකාරය පිළිබදව සෞඛ්ය සේවා අධ්යක්ෂ ජනරාල්වරයා උපදෙස් ලබා දී තිබේ.
අදාළ සාකච්ඡාව සම්බන්ධයෙන් අදහස් දැක්වු කොළඹ රිජ්වේ ළමා රෝහලේ අධ්යක්ෂ විශේෂඥ වෛද්ය ජී.විජේසූරිය මහතා.
“සමහර ඖෂධ වර්ග ගත්තහම අවුරුදු 10කට වඩා අධික කාලයක් එක දිගට දිවයිනේ පාවිච්චි කරන ඒවා. ඒ සැපයුම්කරුවොනුත් එක දිගටම සැපයුම් කරපු අය. ඒ වගේම අපිට චෝදනාවක් තියෙනවා මේ ඖෂධ වර්ග NMRA ආයතනයේ ලියාපදිංචි නෑ කියලා. නමුත් NMRA ආයතනයේ ලියාපදිංචි ඖෂධත් මේ තුළ තියෙනවා. ඉතින් මේක යම් ආකාරයක සැකයට හා ගැටලු සහගතභාවයක් පෙන්නුම් කළ නිසා මේ පිළිබඳව දැඩි අවධානයෙන් යුතුව ඉදිරියට කටයුතු කරගෙන යනවා. ඊයේ රාත්රියේ දිවයිනේ සියලුම රෝහල් අධ්යක්ෂවරු හා නිලධාරීන් සමඟ සාකච්ඡාවක් සෞඛ්ය සේවා අධ්යක්ෂ ජනරාල්වරයා පැවැත්වුවා. උපදෙස් ලබාදුන්නා ඉදිරියට එවැනි දේවල් වළක්වා ගැනීම සඳහා කොයි ආකාරයෙන් ද කටයුතු කරන්න ඕනේ කියලා. මේ සඳහා චක්රලේඛයක් නිකුත් කිරීමටත් නියමිතයි.”