මෝටර් රථයකින් ගොස් යතුරුපැදියක සිටි යුවලක් ව හප්පා ඝාතනය කිරීමට තැත්කළ පුද්ගලයන් තිදෙනෙක් අතුරුගිරිය මයිලන්ගම ක්රීඩාංගණය අසලදී අත්අඩංගුවට ගත් බව අතුරුගිරිය පොලීසිය කියයි.
ගණිකා වෘතියේ යෙදෙන බවට වෙනත් කාන්තාවකගේ ඡායාරූපයක් යොදා අන්තර්ජාලයේ දැන්වීමක් පළකිරීමේ සිද්ධියක් සම්බන්ධයෙන් මෝටර් රථයේ සිටි පිරිස එම යුවලව හප්පා ඇති බව හෙළිවෙයි.
26 හැවිරිදි යතුරුපැදියේ පසු පැදිකාරිය බරපතළ තුවාල සහිතව ප්රතිකාර සඳහා කොළඹ ජාතික රෝහල වෙත ඇතුළත් කර ඇත.
තුවාලකාරිය ගණිකා වෘත්තියේ යෙදෙන බවට දුරකථන අංකයක් සහ වෙනත් කාන්තාවකගේ ඡායාරූපයක් සහිතව අන්තර්ජාලයේ දැන්වීමක් පළකර තිබී ඇති බව පොලිස් විමර්ශනවලදී අනාවරණය වී තිබුණි.
පසුව ඡායාරූපේ සිටින කාන්තාවගේ පෙම්වතා විසින් එම දුරකථන අංකයට ඇමතුමක් ලබාදී තුවාල ලැබූ කාන්තාවට පැමිණෙන ලෙසට කරන ලද දැනුම්දීම මත මෙම ඇය තවත් පුද්ගලයෙකු සමග යතුරුපැදියෙන් පැමිණ ඇති අතර දුරකථන ඇමතුම ලබාදුන් පුද්ගලයා මෝටර් රථයකින් තවත් පුද්ගලයන් දෙදෙනකු සමඟ පැමිණ තිබුණි.
එහිදී දෙපිරිස අතර ආරවුලක් ඇතිවී ඇති බව පොලීසිය කියයි.
එම අවස්ථාවේ දී යතුරුපැදියේ සිටි දෙදෙනා පළායාමට උත්සාහ කිරීමේදී මෝටර් රථය ඔවුන් පසුපස හඹාගොස් හප්පා අනතුරට ලක්කර තිබූ බව පොලිස් විමර්ශනවලදී අනාවරණය වී ඇත.
අත්අඩංගුවට ගත් සැකකරුවන් තිදෙනා වයස අවුරුදු 21 හා 22 අතර පසුවන අතුරුගිරිය සහ හෝමාගම පදිංචිකරුවන්ය
සිද්ධිය සම්බන්ධයෙන් තවත් කීප දෙනෙකු අත්අඩංගුවට ගැනීමට නියමිත බව පොලීසිය පැවසීය.