මහා සංඝරත්නයේ උපදෙස් පරිදි සංඝාධිකරණ පනත නව සංශෝධන සහිතව බලාත්මක කිරීමට අවශ්ය පියවර ගන්නා බව අධිකරණ අමාත්ය විජයදාස රාජපක්ෂ මහතා පවසයි.
මේ වන විට කෙටුම්පත් කර ඇති එම පනත සංශෝධන සහිතව බලාත්මක කිරීම හරහා ශාසනික කටයුතු පිළිබඳව මතුවන ගැටලු විසඳා ගැනීමට හැකිවනු ඇති බව අමාත්යවරයා පැවසුවේය.
කොළඹ පැවැති උත්සවයකට එක්වෙමින් අධිකරණ අමාත්ය විජයදාස රාජපක්ෂ මහතා මෙම අදහස් පළ කළේය.
“සාසනික කටයුතු පිළිබඳ මතුවන ගැටලු විසඳීම සඳහා සංඝාධිකරණයක් අවශ්ය වුණොත් එවැනි සංඝාධිකරණ නිර්මාණය කරගැනීම සඳහා පාර්ලිමේන්තුවට බලය දෙන බවට 1978 ආණ්ඩුක්රම ව්යවස්ථාව සම්පාදනය කරපු සම්පාදකයෝ ප්රතිපාදන හදලා තියෙනවා. ඒ ප්රතිපාදනවලට අනුකූලව අපි කෙටුම්පත් කරපු සංඝාධිකරණ පනත අවශ්ය නම් තවත් වැඩිදියුණු කිරීම් සහිතව ගෞරවනීය මහා සංඝරත්නයෙන් අවසර දෙනවා නම් කෙටි කාලයකින් සාසනයේ ගෞරවය වඩාත් සුරක්ෂිත වෙන ලෙස ආරක්ෂා කරගනිමින් ඒ කටයුතු කරන්න අවශ්ය නීතිය සම්පාදනය කිරීමේ හැකියාව අපට තියෙනවා. අපි බලාපොරොත්තු වෙනවා ඒ කටයුත්ත සාර්ථකව ඉටුකරන්න.”