පේදුරුතුඩුව ප්රදේශයේ වෙරළ තීරයක ගාල්කර තිබූ ධීවර බෝට්ටු කිහිපයකට කිසියම් පිරිසක් ගිනිතබා තිබේ.
පොලීසිය පැවසුවේ ඊයේ (22) අලුයම මෙම ගිනි තැබීම සිදුව ඇති බවය.
මෙලෙස ගිනි තබා ඇත්තේ පේදුරුතුඩුව නගර් කෝවිල් ප්රදේශයේ වෙරළ තීරයේ ගාල්කර තිබූ ධීවර බෝට්ටු කිහිපයකටය.
ගින්නෙන් බෝට්ටු 10කට හානි සිදුව ඇති බවත් එම හානිය මෙතෙක් තක්සේරු කර නොමැති බවත් පොලීසිය පවසයි.
සිද්ධිය සම්බන්ධයෙන් පේදුරුතුඩුව පොලීසිය වැඩිදුර විමර්ශන සිදුකරයි.