ඉතා ප්රගතිශීලි පනතක් වන මැතිවරණ වියදම් පාලනය කිරීමේ පනත, පළාත් පාලන මැතිවරණය කල් දැමීමේ පනතක් බවට පත්කිරීමට ආණ්ඩුව කටයුතු කරන බව 43 වන සේනාංකයේ නායක පාර්ලිමේන්තු මන්ත්රී පාඨලී චම්පික රණවක මහතා පැවසීය.
ඉතාමත්ම ප්රතිශීලි පනතක් වන මැතිවරණ වියදම් නියාමන පනත හදිසියේම පාර්ලිමේන්තුවට ගෙනැවිත් සම්මත කරගැනීම ඉතාමත් නරක පූර්වාදර්ශයක් බව ද මන්ත්රීවරයා සඳහන් කළේය.
මැතිවරණවලදී අපේක්ෂකයින්ගේ වියදම් සඳහා උපරිම සීමාවක් පැනවීමේ බලය මැතිවරණ කොමිෂන් සභාවට ලබාදීම වැදගත් පියවරක් වුවත්, එහි යටි අරමුණක් ලෙස පළාත් පාලන මැතිවරණය පැවැත්වීමේ දිනය කල්දැමීමට රජය බලාපොරොත්තු වන්නේ නම් එය වරදක් බව මන්ත්රීවරයා කීවේය.
මෙය මෙවර පළාත් පාලන මැතිවරණයට නොව ඉදිරි මැතිවරණ වලට වලංගු විය යුතු බවට විපක්ෂයේ ප්රධාන සංවිධායක ලක්ෂ්මන් කිරිඇල්ල මහතා ගෙනා යෝජනාව රජය පිළිනොගත් බව ද ඔහු පැවසීය.
මැතිවරණයට මුදල් නැති බවට මුදල් අමාත්යාංශ ලේකම්වරයා උසාවියට දැනුම්දීම ද ඉතා නරක පූර්වාදර්ශයක් බවත්, ඉදිරියේදී මෙය ජනාධිපතිවරණයකට වුවත් කළ හැකි බවත් රණවක මහතා ප්රකාශ කළේය.
මෙවර පළාත් පාලන මැතිවරණයේ දී සීයට 90 ක විපක්ෂ බලයක් ගොඩ නැගිය යුතු බව කී මන්ත්රීවරයා පාර්ලිමේන්තුවේ පස්ස දොරෙන් පාලනය කරන රාජපක්ෂලාට එය කිරීමට නොහැකි තත්වයක් ඇතිකළහොත් ජනාධිපතිවරයාට තවදුරටත් පොහොට්ටුවේ කිහිලිකරුවලින් යාමට නොලැබෙන අතර, විපක්ෂයට අනුව කටයුතු කිරීමට හෝ ධූරය හැරයාමට සිදුවනු ඇතැයි ද පැවසීය.