කුවේට් රාජ්යයේ නව නායකත්වය යටතේ සිය ද්විපාර්ශ්වික සබඳතා ශක්තිමත් කර ගැනීමට බලාපොරොත්තු වෙන බව ඉන්දියාව පවසයි.
ඉන්දියාව ඒ බව පවසා තිබුණේ පසුගියදා කුවේට් රාජ්යයේ නව එමීර්වරයා ලෙස ශෙයික්හ් මිශාල් අල්-අහමද් අල්-ජාබේර් අල්-සබාහ් පත්වූ පසුබිමක් තුළය.
කුවේට් රාජ්යයේ නායකයා ලෙස කටයුතු කළ නවාෆ් අල්-අහමද් අල්-ජාබේර් අල්-සබාහ් පසුගියදා මිය යෑමෙන් පසුව මෙම නව නායකයා පත්වුණි.
ඉන්දීය අග්රාමාත්ය නරේන්ද්ර මෝදි ද පවසා ඇත්තේ ඉදිරියේදී ඉන්දියාව සහ කුවේටය අතර සබඳතා තවදුරටත් ශක්තිමත් වනු ඇති බවය.
කුවේටයේ සිටින ඉන්දීය ප්රජාව තවදුරටත් වර්ධනය වනු ඇති බවද ඉන්දීය අග්රාමාත්යවරයා විශ්වාසය පළ කර ඇති බව ඉන්දීය මාධ්ය වාර්තා කර ඇත.
ඉන්දීය අග්රාමාත්ය නරේන්ද්ර මෝදි මේ බව පවසා ඇත්තේ කුවේටයේ නව එමීර්වරයා ලෙස තේරී පත්වූ ශෙයික්හ් මිශාල් අල්-අහමද් අල්-ජාබේර් අල්-සබාහ් වෙත සිය සුබපැතුම් එක් කරමිනි.