ගෙවුණු මැයි මුල සතියේ ඩෙංගු රෝගීන් 1,896 ක් මෙරටින් වාර්තා වී තිබේ.
ඉන් වැඩිම රෝගීන් සංඛ්යාවක් වාර්තා වී තිබුණේ බස්නාහිර පළාතෙන් වන අතර එය සමස්ථ රෝගීන්ගෙන් ප්රතිශතයක් ලෙස ගත් කළ සියයට 49 කි.
ඩෙංගු රෝගීන් වාර්තා වූ දිස්ත්රික්ක දෙස අවධානය යොමු කිරිමේදී කොළඹ දිස්ත්රික්කයෙන් අප්රේල් අවසන් සතියේ රෝගීන් 329 දෙනෙකු වාර්තා වෙද්දී මැයි මස මුල් සතියේ රෝගීන් 405 ක් වාර්තා වී තිබේ.
ගම්පහ දිස්ත්රික්කයෙන් අප්රේල් අවසන් සතියේ රෝගීන් 468 ක් වාර්තා වී ඇති අතර මැයිමුල් සතියේ ඩෙංගු රෝගීන් 394 ක් වාර්තා වී ඇත.
කළුතර දිස්ත්රික්කයෙන්ද පෙර සතියට වඩා ගෙවුණු සතියේදී වාර්තා වී ඇති ඩෙංගු රෝගීන් සංඛ්යාව ඉහළ ගොස් ඇති බව සෞඛ්ය අමාත්යාංශය සඳහන් කළේය
දිවයිනේ සෙසු දිස්ත්රික්කවලින්ද වාර්තා වූ ඩෙංගු රෝගීන්ගේ සංඛ්යාව අප්රේල් අග සතියට සාපේක්ෂව මැයි මුල් සතියේදී ඉහළ ගොස් ඇති ආකාරය දක්නට ලැබේ.
සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා පවසන්නේ ඩෙංගු මදුරු ව්යාප්තිය වැළැක්වීම සඳහා ජනතාව සිය නිවාස සහ රාජකාරී ආයතන පරිශ්ර පිරිසිදුව තබාගැනීමට වගබලා ගත යුතු බවය.
ඩෙංගු අවදානම තවදුරටත් ඉහළ යමින් පවතින අතර විශේෂඥයින් දැනට අනාවරණ කරගෙන ඇති ආකාරයට මේ දිනවල වැඩිම රෝගීන් ප්රමාණයක් වාර්තා වන්නේ ඩෙංගු 2 සහ 3 යන ප්රභේදවලිනි.
ඒ අතරින් ඩෙංගු 3 ප්රභේදයෙන් රෝගීන් වාර්තා වන්නේ වසර 14 කට පසුව බව සෞඛ්ය අමාත්යාංශය ඊයේ (08) අනාවරණ කළේය.