දකුණු මුහුදේදී නාවික හමුදාව විසින් අත්අඩංගුවට ගත් රුපියල් මිලියන 4,586කට අධික වටිනාකමකින් යුත් අයිස් සහ හෙරොයින් මත්ද්රව්ය රැගත් මෙරට බහුදින ධීවර යාත්රාව සහ සැකකරුවන් කොළඹ වරායට රැගෙන විත් තිබේ.
ශ්රී ලංකාවට දකුණෙන් දෙවුන්දර තුඩුවේ සිට නාවික සැතපුම් 229ක් පමණ දුරින් වූ ගැඹුරු මුහුදේ එම මත්ද්රව්ය තොගය නාවික හමුදා භාරයට ගෙන තිබුණි.
ඒ ශ්රී ලංකා නාවික හමුදාව, රාජ්ය බුද්ධි සේවාව සහ පොලිස් මත්ද්රව්ය නාශක කාර්යාංශය එක්ව සිදුකළ විශේෂ මෙහෙයුමකින් අනතුරුවය.
අයිස් මත්ද්රව්ය කිලෝ 128 ග්රෑම් 327ක් සහ හෙරොයින් මත්ද්රව්ය කිලෝ 106ග්රෑම් 474කට අධික තොගයක් බහුදින ධීවර යාත්රාව තිබී සොයාගෙන ඇත.
ධීවර යාත්රාව සමග සැකකරුවන් අට දෙනෙක් සහ එම යාත්රාවට ඉන්ධන ලබාදීමට පැමිණි බවට සැකකෙරෙන තවත් බහුදින යාත්රාවක සිටි සැකකරුවන් හය දෙනෙකු පසුගිය දෙසැම්බර් 16 වනදින ශ්රී ලංකා නාවික නෞකා සමුදුර නෞකාව මගින් අත්අඩංගුවට ගැනීමට කටයුතු කෙරුණි.