දුම්රිය ප්රමාදවීම් වළක්වාගැනීමට අවශ්ය නිසි විසඳුම් ලබාදීමට දුම්රිය පාලානාධිකාරිය අපොහොසත් වී ඇති බව ශ්රී ලංකා දුම්රිය ස්ථානාධිපතිවරුන්ගේ සංගමය පවසයි.
එහි ප්රධාන ලේකම් කසුන් චාමර මහතා සඳහන් කළේ, දුම්රිය කාලසටහන් සංශෝධනය කිරීමෙන් පමණක් දුම්රිය ප්රමාදයන් වැළැක්විය නොහැකි බවය.
මේ වන විට පවතින දුම්රිය ප්රමාදය හේතුවෙන් ලබන පස් වන දින සිට කැලණි වැලි දුම්රිය මාර්ගයේ දුම්රිය කාල සටහන සංශෝධනය කිරීමට දුම්රිය දෙපාර්තමේන්තුව පියවර ගෙන තිබේ.
නියෝජ්ය සාමාන්යාධිකාරී ගාමිණි සෙනෙවිරත්න මහතා සඳහන් කළේ, මෙම නව කාලසටහන හදුන්වාදීම මගින් දුම්රිය මගීන්ට සිදුවන අපහසුතාවන් යම්තාක් දුරට වළක්වා ගැනීමට හැකි වනු ඇති බවය.
“මීට වසර කිහිපයකට පෙරත් දුම්රිය ප්රමාදවීමක් වාර්තා වුණා. ඒ සම්බන්ධයෙන් පාලන අධිකාරිය කටයුතු කළේ ප්රමාදවෙන දුම්රිය පැමිණෙන වේලාවත් එක්ක සංශෝධනය කරලා තමයි දුම්රිය කාල සටහන සංශෝධනය කිරීමට ගියේ. ඉතන් ඒකත් එක්ක දුම්රිය කාල සටහන සංශෝධනය කිරීමෙන් නිවැරිදි පිළිතුරක් මගියාට ලැබෙන්නේ නැහැ කියන එක තමයි අපි තීරණය කරලා තියෙන්නේ අපේ සංගමයේ ස්ථාවරය. මේ දුම්රිය කාල සටහන සංශෝධනය කිරීම නෙමයි දුම්රිය ප්රමාදයට වෙනත් හේතු තියෙනවා. මේ හේතු මොනවද කියලා හොයලා බලලා දුම්රිය නිසි වේලාවට ධානය කිරීම හැකියාවක් තියෙන්න ඔ්නේ. පාලන අධිකාරියට සහ වර්තමාන දේශපාලන අධිකාරියට. නමුත් එවැනි විසඳුමකට නෙමයි යන්නේ. මේකෙන් වෙන්නේ තවත් දුම්රිය ප්රමාදවීමක් කියන එක තමයි අපි බලාපොරොත්තු වෙන්නේ.”
කෙසේවෙතත් මෙමගින් දුම්රිය ප්රමාදයන් තවදුරටත් වැඩි වන අතර ඉන් මගී ජනතාව දැඩි අපහසුතාවට පත්විය හැකි බව දුම්රිය ස්ථානාධිපතිවරුන්ගේ සංගමයේ ප්රධාන ලේකම් කසුන් චාමර මහතා සඳහන් කළේය.