පාපන්දු ලෝක කුසලානය පැවැත්වෙන කිසිදු ක්‍රීඩාංගණයක මත්පැන් අලෙවි කිරිමට අවසර ලබා නොදෙන බව සංවිධානයකින් තහවුරු කර ඇත.ඒ මෙවර ලෝක කුසලායට ආරම්භ වීමට දින දෙකක් පමණක් ඉතිරිව තිබියදීය.
කටාර් රාජ්‍යයේදී අනිද්දා ලෝක කුසලානය ආරම්භ වීමට නියමිතය. කෙසේ වෙතත් මුස්ලිම් ප්‍රජාව වෙසෙන හා එහි නීතිරීති අනුව පාලනය වන කටාර් රාජ්‍යයේ මත්පැන් විකිණීම හා භාවිතය පිළිබඳ දැඩි නීති පද්ධතියකින් පාලනය වේ. කෙසේ වෙතත් ලෝක කුසලානය වෙනුවෙන් කටාර් රාජ්‍යයට පැමිණෙන පිරිසගේ විනෝදාස්වාදය උදෙසා හතලිස්දහසක පමණ ධාරිතාවයෙන් යුත් ප්‍රේක්ෂක උද්‍යානයක් (Fan Zone) නිර්මාණය කර ඇති අතර එහිදී මත්පැන් අලෙවි කිරීමට කටයුතු යොදා ඇත.
තරගාවලිය තුළදී මත්පැන් භාවිතා කිරීම පිළිබඳ නීතිරීති තවදුරටත් සකස් කෙරෙමින් පවතින බව විදෙස් මාධ්‍ය මගින් දැක්වේ. කෙසේ වෙතත් ක්‍රීඩාංගණය තුළදී මත්පැන් පානය කිරීම තහනම් කීරීමට පාලනාධිකාරිය තවමත් ක්‍රියා කොට නොමැත.
කෙසේ වෙතත් මෙම තත්වය පිළිබද ඇතැම් ප්‍රේක්ෂකයින් කණගාටුවෙන් පසුවන බව විදෙස් මාධ්‍ය වාර්තා මගින් වැඩිදුරටත් දැක්වේ.