ඩිජිටල් මුදල් සේවා සපයන Remitly ආයතනය කරපු අලුත්ම සමීක්ෂණයකට අනුව, පවුල් එක්ක පදිංචියට යන්න හොඳම රටවල් අතර ශ්රී ලංකාව 4වැනි තැනට පත්වෙලා තියෙනවා. ඒ ලැයිස්තුවේ ඉස්සරහින් ඉන්නේ ස්පාඤ්ඤය, චීනය සහ ඇමරිකාව.
මේ සමීක්ෂණයේදී සෞඛ්ය සේවා, ජීවන වියදම, රැකියා අවස්ථා, දරුවන්ගේ අධ්යාපනය, ළමා සුරැකුම් වියදම් වගේ කරුණු ගොඩක් සලකා බලලා තියෙනවා.
ශ්රී ලංකාවට මේ ඉහළ තැන ලැබිලා තියෙන්නේ හොඳ අධ්යාපන පද්ධතියක් සහ අඩු ළමා සුරැකුම් වියදම් නිසා කියලා වාර්තා වෙනවා. ඒ වගේම හොඳ පොදු ප්රවාහන සේවාවක් තියෙන රටවල් අතරත් ශ්රී ලංකාව 5වැනි තැනට පත්වෙලා තියෙනවා.
පසුගිය වසරේ ශ්රී ලංකාව පළවැනි තැනේ හිටියත්, මේ අවුරුද්දේ අලුත් දත්ත සහ අමතර මිනුම් එකතු කරලා තියෙන නිසා ශ්රේණිගත කිරීම වෙනස් වෙලා තියෙනවා කියලා Remitly ආයතනය කියනවා.