මෙරට පොදු ප්රවාහන සේවාව කාර්යක්ෂම කිරීම සඳහා අගෝස්තු මාසයේදී නව මෙට්රෝ බස් රථ 104ක් මෙරටට ආනයනය කිරීමට නියමිතව තිබේ.
ඊට අදාළ ගිවිසුම අද (18) අත්සන් කළ බව ප්රවාහන, මහාමාර්ග සහ නාගරික සංවර්ධන අමාත්යාංශය නිවේදනය කළේය.
ගිවිසුම් ප්රකාරව මෙම නවීන බස් රථ 104ක ප්රමාණය එළඹෙන අගෝස්තු මාස 15 වන විට මෙරටට ආනයනය කර අවසන් කිරීමට නියමිතය.
මේ වනවිට බස්නාහිර පළාත කේන්ද්ර කරගනිමින් කඩවත සහ රත්මලාන වැනි ප්රදේශවල නව මෙට්රෝ සේවා අංගන ඉදිවෙමින් පවති.
ඒ සමඟින් අගෝස්තු මාසයේදී මෙම බස් රථ ධාවනයට එක් කිරීම හරහා මෙරට පොදු ප්රවාහනයේ ගුණාත්මක හැරවුම් ලක්ෂ්යයක් ඇති කිරීමට අපේක්ෂා කරන බව ප්රවාහන අමාත්යාංශය වැඩිදුරටත් සඳහන් කළේය.