හෝමාගම ප්රදේශයේදී සිදුකළ විශේෂ මෙහෙයුමකදී විදේශීය රටක නිෂ්පාදිත පිස්තෝල වර්ගයේ ගිනි අවියක් සමඟ සැකකරුවෙකු අත්අඩංගුවට ගැනීමට පොලිසිය සමත්ව තිබේ.
යුද හමුදා බුද්ධි අංශයට ලැබුණු තොරතුරකට අනුව පොලිස් විශේෂ කාර්ය බලකාය හෝ පොලිසිය විසින් මෙම වැටලීම සිදුකර ඇති බව වාර්තා වේ.
අත්අඩංගුවට ගන්නා අවස්ථාවේදී සැකකරු සන්තකයේ තිබී ගිනි අවියට අමතරව ඊට යොදන උණ්ඩ කිහිපයක් ද සොයාගෙන ඇත.
සැකකරු හෝමාගම ප්රදේශයේම පදිංචිකරුවෙකු වන අතර, මෙම ගිනි අවිය ඔහු වෙත ලැබුණේ කෙසේද සහ මෙය කිසියම් අපරාධයක් සඳහා යොදා ගැනීමට සැලසුම් කර තිබුණේ ද යන්න පිළිබඳව හෝමාගම පොලිසිය මගින් දීර්ඝ විමර්ශනයක් ආරම්භ කර තිබේ.
සැකකරු හෝමාගම මහේස්ත්රාත් අධිකරණය වෙත ඉදිරිපත් කිරීමට නියමිතය.