අම්පාර කොට්ඨාස දුෂණ මර්ධන ඒකකයට ලද තොරතුරකට අනුව කල්මුණේ ප්රදේශයේදි අයිස් ග්රෑම් 107ක් සමග ස්වාධීන කණ්ඩායමක හිටපු ප්රාදේශීය සභා මන්ත්රිවරයෙක් අත්අඩංගුවට ගෙන තිබෙනවා.
සෙල්ලම් භාණ්ඩ සමඟ කුරියර් සේවාවක් හරහා ප්රවාහනය කර ඇති අතර, කුඩා සෙල්ලම් වලස් පැටියෙකුගේ ගෙලෙහි ඉතා සුක්ෂම ලෙස සඟවා මෙම අයිස් මත්ද්රව්ය ගෙනවිත් ඇති බව පොලිසිය සඳහන් කළා.
අදාල හිටපු ප්රාදේශීය සභා මන්ත්රිවරයාගේ නිවස තුල සිදුකළ සෝදිසි මෙහෙයුමේදී සෙල්ලම් භාණ්ඩවලට අමතරව ඉලෙක්ට්රොනික තරාදියක්, ජංගම දුරකථන 2ක් සහ මුදල් සොයාගෙන ඇති අතර, අදාල සැකකරු සහ අයිස් මත්ද්රව්ය ඉදිරි අධිකරණ කටයුතු සදහා කල්මුණේ මුලස්ථාන පොලිසියට භාරදී ඇති තිබේ.