දකුණු ලෙබනන් කලාපය තුළ පිහිටි “ආරක්ෂිත කලාපය” තවදුරටත් පුළුල් කරන ලෙස ඊශ්රායල අග්රාමාත්ය බෙන්ජමින් නෙතන්යාහු එරට හමුදාවට උපදෙස් දී තිබේ.
ඊශ්රායලය දැනටමත් එම සම්පූර්ණ කලාපයටම ඉවත් වීමේ නියෝග නිකුත් කර ඇති අතර, ගොඩබිම් ආක්රමණයක් දියත් කරමින් නිවාස සහ යටිතල පහසුකම් විනාශ කරමින් සිටින බව විදෙස් වාර්තා පවසයි.
“දැනට පවතින ආරක්ෂිත කලාපය තවදුරටත් පුළුල් කරන ලෙස මම දැන් උපදෙස් දුන්නා. ඊශ්රායලයේ උතුරු ප්රදේශයේ පවතින තත්ත්වය මූලික වශයෙන් වෙනස් කිරීමට අප අධිෂ්ඨාන කරගෙන සිටිනවා,” යැයි සෆෙඩ් හි පිහිටි හමුදා උතුරු විධාන මූලස්ථානයේ සිට වීඩියෝ ප්රකාශයක් නිකුත් කරමින් අග්රාමාත්ය නෙතන්යාහු පවසයි.