චීන මහජන යුද ජයග්රහණයේ 80 වැනි සැමරුම මේ වනවිට බීජිං අගනුවරදී ආරම්භ වී තිබේ.
ඒ චීන ජනාධිපති ෂී ජින්පින්ගේ සහභාගීත්වයෙනි.
උතුරු කොරියානු නායක කිම් ජොන් අන් චීනයේ ප්රධානතම හමුදා සැමරුමට සහභාගී වීම සඳහා ඊයේ (02) බීජිං වෙත පැමිණ තිබුණි.
උතුරු කොරියානු නායකයා සමඟ ඔහුගේ දියණියද චීනය වෙත දුම්රියෙන් පැමිණ ඇති බව විදෙස් මාධ්ය වාර්තා කළේය.
ලෝක පැසිට්වාදයට හා ජපාන ආක්රමණයට එරෙහි චීන යුද ජයග්රහණයේ 80 වන සැමරුමට සහභාගී වීම සඳහා රාජ්ය නායකයින් මෙලෙස පැමිණ තිබුණි.
රුසියානු ජනාධිපති විලැද්මියර් පුටින් ද මෙම සැමරුමට එක්ව තිබේ.
මීට අමතරව ඉරාන සහ කියුබානු නායකයින් ඇතුළු රාජ්ය නායකයින් 26 දෙනෙක් මෙම සැමරුමට සහභාගී වීමට නියමිතව තිබුණි.
මිනිත්තු 70ක කාලයක් පැවැත්වෙන මෙම සැමරුම් උත්සවයේදී චීනයේ අතිනවීන යුද උපකරණ, ගුවන්යානා ආදිය ප්රදර්නය කිරීමට නියමිතය.
ජපන් ආක්රමණයට එරෙහි චීන මහජන යුද්ධයේ සහ ලෝක ෆැසිස්ට්වාදී විරෝධී යුද ජයග්රහණයේ 80 වන සංවත්සරයෙහි ප්රධාන තේමාව වන්නේ, ‘පැහැබර අනාගතයක් උදෙසා ඉතිහාසය මතක තබා ගනිමින් දිවි පිදූවන් සිහි කර සාමය අගය කරමු’යන්නය.
මෙම උත්සවයට ජපන් ආක්රමණයට එරෙහි චීන මහජන යුද්ධයට දායක වූ ජාත්යන්තර මිතුරන්ට හා ඔවුන්ගේ පවුලේ සාමාජිකයන්ට ද විශේෂ ආරාධනාවන් සිදුකර තිබීම විශේෂත්වයකි.
සංවත්සරය වෙනුවෙන් අද (03) රාත්රීයේ විශේෂ කලා ප්රසංගයක් පැවැත්වීමට ද නියමිතය.