ඉරානයට නැවතත් පහරදීමට තමන් සලකා බලන බව අමෙරිකානු ජනාධිපති ඩොනල්ඩ් ට්රම්ප් පවසා ඇතැයි විදෙස් මාධ්ය වාර්තා කර තිබේ.
ධවල මන්දිරයේ පැවැති මාධ්ය හමුවකට එක්වෙමින් මාධ්යවේදියෙකු නැගූ ප්රශ්නයකට පිළිතුරු ලබා දෙමින් අමෙරිකානු ජනාධිපතිවරයා පවසා ඇත්තේ ඉරානයට යුරේනියම් සැලකිය යුතු මට්ටමකට සුපෝෂණය කළ හැකි බවට බුද්ධි අංශ නිගමනය කළහොත් තමන් කිසිදු සැකයකින් තොර ඉරානයට නැවත පහර දෙන බවය.
මින් පෙර සති අන්තයේදී ඊශ්රායලය සහ ඉරානය අතර ගැටුමට අමෙරිකාව සෘජුව සම්බන්ධ වෙමින් ට්රම්ප් ඉරානයේ භූගත න්යෂ්ටික මධ්යස්ථානවලට බංකර් බස්ටර් බෝම්බ ප්රහාරයක් එල්ල කළේය.
අලි කමේනිගේ ප්රකාශටත් ට්රම්ප්ගෙන් පිළිතුරු
මේ අතර ඉරාන උත්තරීතර නායක අයතුල්ලා අලි කමේනි පසුගිය අඟහරුවාදා සටන් විරාමයෙන් පසු පළමු දේශනය පවත්වමින් පැවසුවේ ප්රහාරවලින් සැලකිය යුතු කිසිවත් අත්කර ගැනීමට අමෙරිකාවට නොහැකි වූ බවය.
ඉරානයේ න්යෂ්ටික වැඩසටහන කඩාකප්පල් කිරීමට මෙම ප්රහාරවලින් සැලකිය යුතු කිසිවක් ඉටු නොවූ බවත් කටාර් හී අමෙරිකානු ගුවන් කඳවුරට එල්ල වූ පළිගැනීමේ ප්රහාරය අමෙරිකාවට දැඩි පහරක් බවත් දෙරට අතර යුද ජයග්රහණයෙන් ඉරානය ජයගත් බවත් ඔහු පවසා තිබේ.
මීට පිළිතුරු ලබා දෙමින් සිය Truth Social ගිණුමේ සටහනක් තබමින් අමෙරිකානු ජනාධිපතිවරයා සඳහන් කර ඇත්තේ යුද්ධයෙන් විනාශ වූ ඉරානයේ ඊනියා උත්තරීතර නායකයා වන අයතුල්ලා අලි කමේනි ඊශ්රායලය සමග ඇති මෙම යුද්ධය ජයග්රහණය කළ බව පැවසීම මෝඩකමක් වන බවය.
එමෙන්ම කමේනි රැකවරණය ලබන ස්ථානය තමන් නිවැරදිව දැන සිටි නමුත් ඔහුව ඝාතනය කිරීමට තමන් ඉඩ නොදුන් බවත් අමෙරිකානු ජනාධිපතිවරයා සිය සටහනේ සඳහන් කර තිබේ.
එමෙන්ම තමන් පසුගිය දින කිහිපය තුළ සම්බාදක ඉවත් කිරීම සහ අනෙකුත් දේවල් පිළිබඳව තමන් කටයුතු කරමින් සිටි නමුත් ඒ වෙනුවට ඉරාන ආධ්යාත්මික නායකයා තමන්ට කෝපය සහ වෛරය, පිළිකුළ පිළිබඳ ප්රකාශයකින් පහර වැදීම හේතුවෙන් තමන් සම්බාධක සහන සහ තවත් බොහෝ දේවල් වහාම අත්හැර දැමීමට පියවර ගත් බවත් අමෙරිකානු ජනාධිපතිවරයා සිය සටහන මගින් සඳහන් කර ඇත.