ළාත් පාලන මැතිවරණය වෙනුවෙන් පළාත් පාලන ආයතන කිහිපයකට සමගි ජන බලවේගය ඉදිරිපත් කළ ඇතැම් නාමයෝජනා ප්‍රතික්ෂේප වීම සම්බන්ධයෙන් ඊයේ (26දා) නඩු පවරන බව සමගි ජන බලවේග පක්ෂ මහ ලේකම් පාර්ලිමේන්තු මන්ත්‍රි රංජිත් මද්දුම බණ්ඩාර පවසයි.
සජබ තරුණ නාමයෝජනා ලැයිස්තුවලට මුල් උප්පැන්න සහතිකය දුන් බව කියමින් නාමයෝජනා ප්‍රතික්ෂේප කර ඇති බවත් අධිකරණයෙන් මෙම ගැටලුවට සාධාරණය ඉටුවෙතැයි බලාපොරොත්තු වන බවත් මහ ලේකම්වරයා පැවැසීය.
නාමයෝජනා පත්‍ර සැකසීමේ දුර්වලතා නිසා එම පළාත් පාලන මැතිවරණයෙන් අපේක්ෂකයන්ට ඉවත්වීමට සිදුවීම ඉතා බරපතළ ගැටලුවක් බව ප්‍රජාතන්ත්‍රීය ප්‍රතිසංස්කරණ සහ මැතිවරණ අධ්‍යයන ආයතනය (අයිරෙස්) සඳහන් කරයි.
ඡන්ද විමසීමකදී නාමයෝජනා තාක්ෂණිකව කරුණු මත ප්‍රතික්ෂේප වීම ඉතා කනගාටුදායක බවත් මෙවර නාමයෝජනා ප්‍රතික්ෂේප වීම්වලින් 90%ටත් වඩා සිදුවී ඇත්තේ අලුතින් හඳුන්වා දුන් තරුණ නියෝජන කෝටාවට අදාළව බවත් නාමයෝජනා, අයදුම්පත්වල දුර්වලතා හේතුවෙන් තරුණ නියෝජිත ප්‍රතික්ෂේප කළ නාමයෝජන ආපසු භාරගන්නා ලෙසට මැතිවරණ කොමිසමෙන් අයිරෙස් විධායක අධ්‍යක්ෂ මංජුල ගජනායක මහතා ඉල්ලීමක් කරයි.