පියා විසින් පදවන ලද ට්රැක්ටර් රථයට යටවී 11 හැවිරිදි දරුවෙක් ජීවිතක්ෂයට පත්ව තිබේ.
ඊයේ (03) දහවල් කාලයේදී එම අනතුර සිදුව තිබුණේ චුන්නාකම් පොලිස් වසමේ උඩුවිල් ප්රදේශයේදීය.
මියගිය දරුවා ඔහුගේ පියා විසින් පදවන ලද ට්රැක්ටර් රථයේ පටවා තිබූ ගොයම් කපන මැෂිමට නැඟීමට උත්සහා කිරීමේදී බිමට ඇද වැටී ඇත.
එහිදී එම ට්රැක්ටර් රථයේ පිටුපස රෝදයට යට වීමෙන් එම අනතුර සිදුව ඇති බවට සිදු කරන ලද විමර්ශනයේදී අනාවරණය වී ඇති බව පොලීසිය පවසයි.
මෘත ශරීරය යාපනය රෝහලේ මෘත ශරීරාගාරයේ තැන්පත් කර ඇති අතර චුන්නාකම් පොලීසිය වැඩිදුර විමර්ශන සිදු කරනු ලබයි.
මේ අතර මාරවිල පොලිස් වසමේ පෑලියගොඩ පුත්තලම මාර්ගයේ බෑංකඩ හන්දිය අසලදී පුද්ගලික බස් රථයක පදික මාරුව හරහා ගමන් කළ පදික කාන්තාවක් ගැටී අනතුරක් සිදුව ඇත.
අනතුරින් බරපතළ තුවාල ලැබූ පදික කාන්තාව මාරවිල රෝහලට ඇතුළත් කිරීමේදී මියගොස් තිබේ.
එලෙස මියගොස් සිරිමැදුර පාර, කටුනේරිය ප්රදේශයේ පදිංචිව සිටි ඇත්තේ, 46 හැවිරිදි කාන්තාවකි.