මඩකලපුව දිස්ත්‍රික්කයේ ඒරාවූර්පත්තු ප්‍රාදේශිය ලේකම් කාර්යාල බල ප්‍රදේශයට අයත් බදුල්ල පාර, කෝඩුවාමඩු යන ලිපිනයේ 2016 නොවැම්බර් මස 03 දින යුරෝපා සංගමයේ දිස්ත්‍රික් සංවර්ධන වැඩසටහනට (EU Support to District Development) සමගාමීව ඝණ අපද්‍රව්‍ය කළමණාකරන මධ්‍යස්ථානයක් ඉදිකර ඇති අතර එය ඒරාවූර්පත්තු ප්‍රාදේශීය සභාවේ අධීක්ෂණය යටතේ පවත්වා ගෙන යන බවට වාර්තාවේ.
ඒ අනුව මෙම ස්ථානය වෙත මඩකලපුව මහ නගර සභාව හා කාත්තන්කුඩි, ඒරාවූර්, ඕට්ටමාවඩි හා ඒරාවූර්පත්තු යන ප්‍රාදේශීය සභාවන් වෙතින් ප්‍රදේශයේ ඝණ අපද්‍රව්‍ය / රෝහල් තුල පවතින අපද්‍රව්‍ය නිසි කළමණාකරනයකින් තොරව බැහැර කිරීමට කටයුතු කරන බවත්, ඒ හේතුවෙන් මැස්සන් හා පනුවන් බෝ වීම මෙන්ම අධික දුර්ගන්දය හේතුවෙන් අපද්‍රව්‍ය කළමණාකරන මධ්‍යස්ථානය ආසන්නයේ පිහිටි නිවාස වල ජීවත් වන පුද්ගලයින් දැඩි අපහසුතාවයට සහ සෞඛ්‍ය ගැටළු සඳහා මුහුණ පා ඇති බවට වාර්තාවේ.
එමෙන්ම මෙම ගැටළුකාරී තත්වය හේතුවෙන් ප්‍රදේශයේ ජල මූලාශ්‍ර වලටද යම් අහිතකර බලපෑමක් එල්ලවන බවත් ඉදිරියේදී අදාල ගැටළුකාරී තත්වයට විසඳුමක් ලබාදීමට වගකිව යුතු පාර්ශවයන් විසින් කටයුතු නොකරන්නේ නම් ප්‍රදේශයේ ජනතාව විසින් විරෝධතාවයක් සිදුකිරීමට නියමිත බවට ප්‍රදේශවාසීන් කටයුතු කරන බවට වාර්තාවේ.