බඩල් කුඹුර කලූගහවාඩිය ප්රදේශයේ ගංගා හා ඇළ මාර්ග ආශ්රිතව සිදු කරනු ලබන අක්රමවත් පතල් කැණීම් හේතුවෙන් විශාල පාරිසරික හානියක් සිදුවන බවට “සොබා පදනම” සංවිධානය විසින් අනාවරණය කර ඇත.
මේ වන විට මැණික් ගඟේ අතු ගංගාවක් වන “වරාදොළ ඔය” ආශ්රිතව යන්ත්රානුසාරයෙන් සිදුකරන මහා පරිමාණ මැණික් කැණීම් හේතුවෙන් “මැණික් ගඟට” රොන්මඩ එකතු වීම නිසා එම ගංගාව පරිහරණය කරන බඩල් කුඹුර ප්රදේශයේ විශාල ජනතාවක් දැඩි අපහසුතාවට පත්ව ඇති බවට “සොබා පදනම” සංවිධානය ප්රකාශ කර සිටී.
මැණික් කැණීම් කටයුතු නිසා ගඟට එකතු වන අපජලය හේතුවෙන්, ප්රාදේශීය සභාව මඟින් පාලනය කරන ජල පවිත්රාගාරයටද දැඩි බලපෑමක් සිදුව ඇති අතර, මැණික් පතල්වල අපජලය “මැණික් ගඟ” වෙත මුදාහැරීම හේතුවෙන් බඩල් කුඹුර ප්රදේශයේ ජනතාවට මඩ මිශ්ර ජලය පානය කිරීමට සිදුව ඇති බවත්, මෙම ගැටළුව සබැඳිව ප්රදේශයේ ජනතාව විසින් ප්රාදේශීය සභාව වෙත සහ ප්රාදේශීය ලේකම් කාර්යාලය වෙත පැමිණිලි සිදුකර ඇති අතර, මේ සබැඳිව බඩල්කුඹුර ප්රාදේශීය සංවර්ධන කමිටුවෙත් අවධානය යොමුව ඇති බවට බඩල්කුඹුර ප්රාදේශීය සභාවේ නිලධාරියෙකු ප්රකාශ අදහස් දක්වා ඇත.
මේ අතර මැණික් පතල්කරුවෙකු විසින් දළ අනුරේඛනයක් හෝ නොමැති ඉඩමක් සඳහා මැණික් හා ස්වර්ණාභරණ අධිකාරිය මඟින් බලපත්රයක් ලබාගෙන “මැණික් ගඟේ” අතු ගංගාවක් වන “වරාදොළ ඔය” මැද යන්ත්ර සූත්ර යොදා ගනිමින් විශාල පාරිසරික හානියක් සිදුකරමින් මැණික් කැණීමේ කටයුත්තක නියැළෙමින් සිටින බවට ද “සොබා පදනම” සංවිධානය අනාවරණය කර සිටී.
කෙසේ වෙතත් අදාල තත්වයන් ව්යාර්ත කිරීමට කඩිනම්න් නීතිමය සහ පරිපාලනමය තත්වයන් ක්රියාත්මක කල යුතු තත්වයක් මේ වන විට පවතින බව බලධාරීන් දැනුවත් කිරීම අපගේ වගකීමයි.
