කොළඹ ප්රදේශයට පානීය ජලය සපයන ලබුගම කලටුවාව ජලාශ ආසන්නයේ “තුම්මෝදර ගම” පිහිටා ඇතත්, තුම්මෝදර ඉහළ ප්රදේශයේ පවුල් රැසක ජනතාවට රන්මුදු ඇල්ලෙන් ගලා එන අපිරිසිදු ජලය පානය කිරීමට සිදු වීම හේතුවෙන් දැඩි අපහසුතාවයට පත්ව ඇත.
මීට වසර 40 කට පමණ ඉහත සිට උල්පත් ජලයෙන් පෝෂණයවූ රන්මුදු ඇල්ල හරහා ගලා බසින ජලය ප්රදේශයේ ජනතාව පානය කර ඇති බවත්, වර්ථමානය වන විට එම ජල සම්පත දිනෙන් දින අපිරිසිදු වීම නිසා ජල සම්පාදන මණ්ඩලයෙන් ලබාදෙන පිරිසිදු ජලය පානය කිරීමේ අවස්ථාව තමන්ට අහිමි වී ඇති බවට ප්රදේශවාසීන් මැසිවිල් නගා සිටී.
මෙම ගැටළුව සම්බන්ධයෙන් ජාතික ජල සම්පාදන හා ජලාපවාහන මණ්ඩලයේ පාදුක්ක ගලගෙදර කාර්යාලයේ ස්ථාන භාර නිලධාරී විසින් ප්රකාශ කර සිටින්නේ “දැනට තිබෙන ජල නලවල පීඩනය අඩු නිසා එම ප්රදේශයට ජලය ලබාදීමට අපහසු බවත්, පොල්වත්ත දඹෝර, තුම්මෝදර යන ප්රදේශවලින් ජලය ඉල්ලා ඉල්ලීම් කර ඇතත්, ජල නලවල පීඩනය අඩු වීම හේතුවෙන් එම ප්රදේශ වලට ජලය ලබාදීමට අපහසු වන බවයි”
කෙසේ වෙතත්, බළධාරීන් විසින් මෙම ගැටළුව සබැඳිව නිසි සොයා බැලිමක් සිදුකර අදාල මූලික අවශ්යතාව ජනතාව වෙත පහසුවෙන් ලබා ගැනීමට අවශ්ය විදිවිධාන ක්රියාත්මක කිරීමට කටයුතු කිරීම කාලෝචිත බව අපගේ අදහසයි.
