අඛණ්ඩව දෙවන වසරටත් චීන ජනගහනයේ අඩු වීමක් පෙන්නුම් කර තිබේ.
ඊයේ (17) දිනයේ නිකුත් වූ නවතම දත්ත වාර්තාවට අනුව 2023 වසර අවසන් වන විට චීන ජනගහනය බිලියන එකයි දශම 4යි බින්දුවයි 9ක් ලෙස සටහන්ව ඇති අතර එය පෙර වසරට සාපේක්ෂව මිලියන 2යි දශම බින්දුවයි අටක අඩු වීමක් බව වාර්තා වේ.
වසර 60කට පසු පළමු වරට චීන ජනගහනයේ අඩු වීමක් 2022 වසරේ දී පෙන්නුම් කළ අතර, 2023 වසරේ දී එම අඩු වීම දෙගුණයකින් ඉහළ ගොස් ඇති බව වාර්තා වේ.
ඉහළ යන ජනගහනය පාලනය කිරීම සඳහා එක් පවුලකට එක් දරුවෙකු ලෙස 1980 වසරේ දී චීන රජය විසින් හඳුන්වාදුන් මතභේදාත්මක ප්රතිපත්තිය හේතුවෙන් දශක කිහිපයක සිට එරට ජනගහන වර්ධන වේගයේ අඩු වීමක් පෙන්නුම් කර තිබිණි.
ජනගහනය අඩු වීමත් සමග එම ප්රතිපත්තිය 2015 වසරේ දී ඉවත් කිරීමට චීන රජය පියවර ගත් නමුත් ආර්ථික තත්ත්වය හා කොවිඩ් වසංගතය ඇතුළු කරුණු හේතුවෙන් එරට ජනතාව විසින් තවදුරටත් දරු උපත් සීමා කිරීම් සිදු කරන බව විදෙස් මාධ්යය වාර්තා කරයි.
මේ වන විට චීනයේ වයස අවුරුදු 60 ඉක්මවූ ජනගහනය මිලියන 296යි දශම 9යි 7ක් වන අතර එය සමස්ත ජනගහනයෙන් සියයට 21යි දශම 1ක් බව ද සඳහන්ය.