ශ්‍රී ලංකා රේගුව පසුගිය වසරේ දී වාර්තාගත ආදායමක් උපයා ඇති බව ශ්‍රී ලංකා රේගුව පවසයි.
රේගු මාධ්‍ය ප්‍රකාශක,ජ්‍යේෂ්ඨ රේගු අධ්‍යක්ෂක සීවලී අරුක්ගොඩ මහතා මේ බව සඳහන් කළේය.
ඒ අනුව, එම වසරේ දී ශ්‍රී ලංකා රේගුව විසින් උපයා ඇති මුදල රුපියල් බිලියන 970කි.
පසුගිය වසර මුලදී මුදල් අමාත්‍යාංශය මගින් රේගුව සඳහා රුපියල් බිලියන 1,217ක ආදායම් ඉලක්කයක් ලබාදී තිබූ අතර රටේ පැවති අයහපත් මූල්‍යමය වාතාවරණය සැළකිල්ලට ගෙන එය රුපියල් බිලියන 893ක් දක්වා සංශෝධනය කරනු ලැබීය.
ඒ අනුව 2022 වසරට සාපේක්ෂව 2023 වසරේ දී සියයට 138ක අදායම් වර්ධනයක් පෙන්නුම් කරන බව ද රේගු මාධ්‍ය ප්‍රකාශක සීවලී අරුක්ගොඩ මහතා සඳහන් කළේය.
මීට පෙර 2018 වසරේ දී ශ්‍රී ලංකා රේගුව විසින් රුපියල් බිලියන 923ක ආදායමක් උපයා තිබුණි.