අමෙරිකාවේ ලුවිස්ටන්, මේන් ප්‍රදේශයේ සිදුකළ වෙඩිතැබීම් මාලාවෙන් මියගිය ගණන 22ක් දක්වා ඉහළ ගොස් තිබේ.
අවන්හලක සහ ක්‍රීඩා මංතීරුවක් ඇතුළු ස්ථාන කිහිපක ඊයේ (25) රාත්‍රී කාලයේ වෙඩිතැබීම් සිදුව තිබුණි.
එහිදි මියගිය පුද්ගලයින්ට අමතරව තවත් පුද්ගලයින් 60කට ආසන්න සංඛ්‍යාවක් තුවාල ලබා රෝහල්ගත කළ බව විදෙස් මාධ්‍ය වාර්තා කළේය.
මේ අතර එරට මාධ්‍ය පවසන්නේ, එම වෙඩිතැබීමට සම්බන්ධ වෙඩික්කරු බවට සැකකෙරෙන පුද්ගලයාව මේ වනවිට හඳුනාගෙන ඇති බවය.
ඔහු රොබට් කාඩ් නම් පුද්ගලයෙකි.
පොලීසිය පැවසුවේ, ඔහු ගිනිඅවි උපදේශකයෙකු ලෙස හමුදාව මඟින් පුහුණු කළ අයෙක් බවට තොරතුරු අනාවරණය වී ඇති බවය.
එම පුද්ගලයාව අත්අඩංගුවට ගැනීම සඳහා මෙහෙයුම් ක්‍රියාත්මක බවද ලුවිස්ටන් පොලීසිය සඳහන් කළේය.