ආසියානු කුසලාන තරගාවලියේ මෙරට පැවැත්වෙන තරග සඳහා සියලු කටයුතු මේ වනවිටත් සූදානම් කර ඇතැයි ශ්‍රී ලංකා ක්‍රිකට් ආයතනය පවසයි.
ශ්‍රී ලංකාවට සංචාරකයින් ගෙන්වන්නන්ගේ සංගමය පෙන්වා දෙන්නේ එමගින් ශ්‍රී ලංකාවේ සංචාරක ක්ෂේත්‍රයට ප්‍රතිලාභ රැසක් අත් වන බවය.
ආසියානු කුසලාන ක්‍රිකට් තරගාවලිය අගෝස්තු 30 වනදා පාකිස්තාන සහ ශ්‍රී ලංකාවේ සත්කාරකත්වයෙන් ආරම්භවීමට නියමිතව තිබේ.
එහිදී තරග 4ක් පාකිස්තානයේ පැවැත්වෙන අතර ඉන්දු – පාකිස්තාන තරගය සහ අවසන් මහා තරගය ඇතුළුව තරග 9ක් ශ්‍රී ලංකාවේදී පැවැත්වීමට නියමිතය.
ආසියානු කුසලානයේ තරග රැසක් මෙරට පැවැත්වීම හේතුවෙන් සංචාරක ක්ෂේත්‍රයට දැනටමත් ඉහළ ප්‍රතිලාභ ලැබී තිබේ.