ඉන්දුනීසියානු ජනාධිපති ජෝකෝ විඩෝඩෝට වායු දූෂණය හේතුවෙන් කැස්සක් හටගෙන ඇති බව විදෙස් මාධ්ය වාර්තා කර තිබේ.
ඒ ලොව දූෂිතම නගරය බවට ජකර්තා නගරය පත්ව ඇති පසුබිමකය.
ඉන්දුනීසියාවේ ජකර්තා අගනගරය පසුගියදා ලොව වායු දූෂණය ඉහළම නගරය බවට පත්විය.
ඒ වායු දූෂණය මැනීමේ නිරත ස්විස් තාක්ෂණ සමාගමක් සිදුකළ පර්යේෂණයකදී ය.
ඉන්දුනීසියානු ජනාධිපති විඩෝඩෝ මාසයක පමණ කාලයක සිටි කැස්ස රෝගී තත්ත්වයෙන් පීඩා විඳින බව වාර්තා වේ.
මෙම රෝගී තත්ත්වයට හේතු සොයා වෛද්යවරුන් පරීක්ෂණ රැසක් සිදුකර ඇති අතර, ඔවුන් සැක පළ කරන්නේ ඔහුගේ නිවස පිහිටා ඇති ජකර්තා නුවර පවතින වායු දූෂණය ඊට හේතුවී ඇති බවය.
ලොව දූෂිතම නගරය බවට ජකර්තා පත්වීමට පෙර සිටම අගනුවර පැවත ඇත්තේ අතිශය දූෂිත වායු තත්ත්වයකය.
නගරය ආසන්නයේ පිහිටුවා ඇති කර්මාන්තශාලා මෙන්ම රථ වාහනවලින් විමෝචනය කෙරෙන වායු, ජීව වායු, ගල් අඟුරු දහනය වැනි කරුණු මෙම තත්ත්වයට හේතුව ඇති බව වාර්තා වේ.
වායු දූෂණය පාලනයට කටයුතු කරන්නැයි අධිකරණය පවා රජයට නියෝග කර තිබේ.
එමෙන්ම බොහෝ පාර්ශව පවසන්නේ, තමන්ගේම ක්රියාවල අනිසි ප්රතිඵල විඳීමට ජනාධිපතිවරයාට සිදුව ඇති බවය.