LPL තරගාවලියේ අවසන් මහා තරගය සඳහා සුදුසුකම් ලබාගැනීමට ‘බී ලව් කැන්ඩි’ කණ්ඩායම සමත් විය.
ඒ ඊයේ (19) පැවැති ‘බී ලව් කැන්ඩි’ කණ්ඩායම සහ ‘ගෝල් ටයිටන්ස්’ කණ්ඩායම අතර තරගයෙන් ‘ගෝල් ටයිටන්ස්’ කණ්ඩායම ලකුණු 34 කින් පරාජයට පත්කරමිනි.
තරගයේ කාසියේ වාසිය දිනා ප්රථමයෙන් පන්දුවට පහරදුන් ‘බී ලව් කැන්ඩි’ කණ්ඩායම නියමිත පන්දුවාර 20 අවසානයේ කඩුලු 7ක් දැවී ලකුණු 157ක් රැස්කරගැනීමට සමත්විය.
එහිදී විශිෂ්ට පිතිහරඹයක නියැලුණු නායක වනිඳු හසරංග පන්දු 30කදී හයේ පහර 4ක් සහ හතරේ පහර 3ක් සමඟ ලකුණු 48ක් රැස්කළේය.
දිනේෂ් චන්දිමාල් හයේ පහරක් සහ හතරේ පහර 3ක් සමංග ලකුණු 38ක් රැස්කරගත්තේය.
ගෝල් ටයිටන්ස් කණ්ඩායම වෙනුවෙන් ළහිරු කුමාර සහ සොනාල් දිනූෂ කඩුලු 02 බැගින් දවාගැනීමට සමත් වූහ.
ඒ අනුව පිළිතුරු ඉනිම සඳහා ලකුණු 158ක ඉලක්කයක් හඹායෑමට පිටියට පිවිසි ‘ගෝල් ටයිටන්ස්’ කණ්ඩායමට නියමිත පන්දුවාර 20 තුළ කඩුලු 8ක් දැවී රැස්කර ගත හැකි වූයේ ලකුණු 128ක් පමණි.
LPL තරගාවලියේ අවසන් මහා තරගය (20) ‘දඹුල්ල අවුරා’ කණ්ඩායම සහ ‘බී ලව් කැන්ඩි’ කණ්ඩායම සමග කොළඹ ආර්.ප්රේමදාස ක්රීඩාංගණයේ දී පැවැත්වීමට නියමිතය.