2030 වසර වනවිට රට තුළ එළවළු බීජ ආනයනය, සියයට සියයකින් නතර කිරීම සඳහා වන වැඩ පිළිවෙළක් ආරම්භ කර ඇති බව කෘෂිකර්ම අමාත්යාංශය පවසයි.
කෘෂිකර්ම දෙපාර්තමේන්තුව විසින් මෙරට වගාව සඳහා අවශ්ය එළවළු බීජ දේශීය වශයෙන් නිෂ්පාදනය ඉහළ නැංවීමට වැඩපිළිවෙළක් ආරම්භ කර ඇති බව එම අමාත්යාංශය සඳහන් කළේය.
මෙරට වගාව සඳහා අවශ්ය එළවළු බීජ වර්ග බහුල වශයෙන් ආනයනය කරනු ලබන අතර එම ආනයනික බීජ වර්ග සඳහා ඉහළ මිලක් ගෙවීමට ගොවීන්ට සිදුව තිබේ.
මේ හේතුවෙන් එළවළු වගාවෙන් ප්රමාණවත් ආදායමක් ලබාගැනීමට නොහැකි වී ඇති බව ගොවි සංවිධාන නියෝජිතයෝ පෙන්වාදෙති.
එම කාරණය සැළකිල්ලට ගෙන මෙරට වගාවට අවශ්ය එළවළු බීජ දේශීය වශයෙන් නිෂ්පාදනය ඉහළ නැංවීම සඳහා වැඩපිළිවෙළක් සකසන ලෙස කෘෂිකර්ම අමාත්යවරයා එම දෙපාර්තමේන්තුවට උපදෙස් ලබා දී තිබේ.