ඉන්දීය අග්‍රාමාත්‍ය නරේන්ද්‍ර මෝදි එක්සත් අරාබි එමීර් රාජ්‍යයේ සංචාරයකට සූදානම් වන බව ඉන්දීය මාධ්‍ය වාර්තා කරයි.
ඉන්දීය මාධ්‍ය පැවසුවේ අග්‍රාමාත්‍යවරයා ජුලි 15 වනදා එක්සත් අරාබි එමීර් රාජ්‍යය බලා පිටත්ව යනු ඇති බවය.
ඉන්දීය අග්‍රාමාත්‍යවරයාගේ ප්‍රංශ සංචාරයෙන් අනතුරුව එක්සත් අරාබි එමීරය බලා පිටත්ව යනු ඇති බවද සඳහන් ය.
එහිදී දෙරට අතර වෙළෙඳ, ආර්ථික සහ තවත් ද්විපාර්ශ්වික සබඳතා වර්ධනය කරගැනීම සම්බන්ධයෙන් රාජ්‍ය නායකයින් දෙපළ අතර සාකච්ඡා කෙරෙනු ඇති බවද වාර්තා වෙයි.
ඉන්දීය අග්‍රාමාත්‍යවරයාගේ සංචාරයට ගෞරව දැක්වීම සඳහා එක්සත් අරාබි එමීර් රාජ්‍යය උත්සව කිහිපයක් සංවිධානය කිරීමට නියමිත බවද විදෙස් මාධ්‍ය පවසයි.
අග්‍රාමාත්‍ය නරේන්ද්‍ර මෝදිගේ පාලනය යටතේ මෑතකාලීනව ඉන්දියාව සිය මැදපෙරදිග සබඳතා වර්ධනය කරගනිමින් සිටින බව විදෙස් මාධ්‍ය වාර්තා කර තිබේ.