ලෝක කුසලාන එක්දින ක්‍රිකට් තරගාවලියට සුදුසුකම් ලැබීමේ ඊයේ (24) පැවැති A කාණ්ඩයේ තරගයකින් ජය ගැනීමට සිම්බාබ්වේ කණ්ඩායම සමත් විය.
ඒ බටහිර ඉන්දීය කොදෙව් කණ්ඩායම ලකුණු 35කින් පරාජයට පත් කරමිනි.
තරගයේ කාසියේ වාසිය දිනූ බටහිර ඉන්දීය කොදෙව් කණ්ඩායමේ නායකයා පළමුවෙන් පන්දුවට පහරදීම සඳහා සිම්බාබ්වේ කන්ඩායමට ආරාධනා කළේය.
ඒ අනුව සිම්බාබ්වේ කණ්ඩායම පන්දුවාර 43ක් අවසානයේ සියලුදෙනා දැවී ලකුණු 268ක් ලබාගත්තේය.
සිම්බාබ්වේ කණ්ඩායම වෙනුවෙන් Sikandar Raza ලකුණු 68ක් රැස්කළ අතර Ryan Burl ලකුණු 50ක් රැස්කළේය.
ජයග්‍රාහී ලකුණු 269ක ඉලක්කය හඹා ගිය බටහිර ඉන්දීය කොදෙව් කණ්ඩායම පන්දුවාර 44යි පන්දු 4ක් අවසානයේ සියලුදෙනා දැවී රැස්කර ගත හැකි වූයේ ලකුණු 233ක් පමණි.
මේ අතර නෙදර්ලන්ත කණ්ඩායම සහ නේපාල කණ්ඩායම අතර අද පැවැති තරගය කඩලු 7කින් ජය ගැනීමට නෙදර්ලන්ත කණ්ඩායම සමත්විය.