යාපනය සිවිල් සමාජ කේන්ද්‍රය විසින් අද(28) කොළඹ දී පැවැත්වු මාධ්‍ය සාකච්ඡාවකදී විශේෂ හෙළිදරව්වක් කරන ලදී. එහි සභාපති අරුන් සිද්ධාර්ථ විසින් මෙම හෙලිදරව්ව කළ අතර , ඒහදි ඔහු මෙසේ අදහස් දක්වන ලදී.
දශක තුනක් මුළුල්ලේ මෙරට පැවති යුද්ධය අතරතුර මෙන්ම මෙහි අවසාන වකවානුවේද ඉන් පසුවද මෙරට කීර්කිනාමයට අපහාස වන අයුරින් දේශිය හා ජාත්‍යන්තරව විශාල වැඩ පිළිවෙලක් ගෙනගිය බව අප දනිමු සෑම වසරකම ජිනීවා මානව හිමිකම් සමුළු තුලදී මෙරට නියෝජනය කෙරුණද, එහිදී අදහස් ඉදිරිපත් කිරීමට අවස්ථා ලැබුනේ එක්තරා පිරිසකට පමණක් වන බැවින් යුද්ධයට සෘජුව මුහුණදුන් සාමාන්‍ය ජනතාවට තමන්ගේ අසාධාරණ හා තමන් දන්නා සත්‍ය පැවසීමට අවස්ථාවක් ලැබී නැත.
මෙම වසරේ නැවත කැදවීමට නියමිත මානව හිමිකම් සමුළුවේදී නැවතත් අපගේ මාතෘ භූමියට චෝදනා එල්ල කිරීමට සිටින ශිවාජිලංගම් නැමති පුද්ගලයා විසින් මෙරට සිට විදෙස් ගතවන පුද්ගලයන් ලවා ශ්‍රී ලංකාව අපකීර්තියට පත්වන ආකාරයේ ප්‍රකාශ එම රටවල නීතීඥයන් හරහා කරුණු ඉදිරිපත් කරමින් සිටින බවට අනාවරණය කරන ලදී.
මෙම මාධ්‍ය හමුවේදී අරුන් සිද්ධාර්ථ විසින් ව්‍යාජතොරතුරු ලබාදීමට අනුබල ලබාදෙනු ලබන වීඩියෝවක් මාධ්‍ය වෙත මුදාහැරි අතර, එම විඩියෝව සම්බන්ධයෙන් යාපන සිවිල් සමාජ කේන්ද්‍රය විසින් අද දින එක්සත් ජාතීන්ගේ කාර්යාලය, පොලිස් මූලස්ථානය, ආරක්ෂක අමාත්‍යංශය හා මානව හිමිකම් කාර්යාලය වෙත පැමිණිලි ඉදිරිපත් කරමින් ශිවාජිලිංගම්ට එරෙහිව නීතිය ක්‍රියාත්මක කරන ලෙස ඉල්ලමින් ඔවුන් මෙම පැමිණිලි බාරදෙන ලදී.
