සංචාරක අයර්ලන්ත කණ්ඩායමට එරෙහිව ගාල්ලේදී (16) ආරම්භ වූ පළමු ටෙස්ට් තරගයේදී ශතක වාර්තා කිරීමට නායක දිමුත් කරුණාරත්න සහ කුසල් මෙන්ඩිස් සමත්විය.
පළමු දිනය නිමා වන විට පළමු ඉනිම සඳහා ශ්‍රී ලංකා පිල කඩුලු 4ක් දැවී රැස් කර සිටි ලකුණු සංඛ්‍යාව 386 කි.
අයර්ලන්තය සහ ශ්‍රී ලංකාව අතර මෙලෙස ටෙස්ට් තරගාවලියක් පැවැත්වෙන්නේ ඉතිහාසයේ පළමු වරටය.
මෙම ඓතිහාසික ටෙස්ට් තරගයේ පළමුවෙන් කාසියේ වාසිය දිනූ ශ්‍රී ලංකාව පළමුවෙන් පන්දුවට පහරදීමට තීරණය කළේය.
නායක දිමුත් කරුණාරත්න සමගින් ශ්‍රී ලංකා ඉනිම ආරම්භ කළ නිෂාන් මදුෂ්ක ලකුණු 29ක් ලබා සිටියදී දැවීගියේ මුළු ලකුණු සංඛ්‍යාව 64ක්ව තිබියදීය.
අනතුරුව නායක දිමුත් කරුණාරත්න සමගින් පිටියේ එක් වූ කුසල් මෙන්ඩිස් දෙවන කඩුල්ලට ලකුණු 281ක සබඳතාවක් ගොඩනැගුවේය.
එම සබඳතාව වාර්තා අතරට එක් වූයේ ගාල්ල ක්‍රීඩාංගණයේදී ටෙස්ට් තරගයක ඕනෑම කඩුල්ලක් සඳහා ගොඩනැගුණු වැඩිම ලකුණු සබඳතාව ලෙසය.
දිමුත් කරුණාරත්න අද සිය ටෙස්ට් ක්‍රිකට් දිවියේ 15වන ශතකය වාර්තා කිරීම විශේෂත්වයකි.
දිමුත්ට අනගි සහායක් දුන් කුසල් මෙන්ඩිස් සිය ටෙස්ට් ක්‍රිකට් දිවියේ 8 වන ශතකය අද වාර්තා කළේය.
කුසල් මෙන්ඩිස් ලකුණු 140ක් ලබා සිටියදී දැවීගියේ ශ්‍රී ලංකා ලකුණු පුවරුව 345ක්ව තිබියදීය.
ඇන්ජලෝ මැතිව්ස්ට ලකුණු නොලබා දැවී ගිය අතර දිමුත් කරුණාරත්න ලකුණු 179ක් රැස් කළේය.
ඒ අනුව ශ්‍රී ලංකා පිල දිනය නිමාවන විට කඩුලු 4ක් දැවී ලබා සිටි ලකුණු සංඛ්‍යාව 386 කි.
නොදැවී පන්දුවට පහර දෙන දිනේෂ් චන්දිමාල් ලකුණු 18ක් සහ සැඳෑආරක්ෂකයා ලෙස පිටියේ එක්වූ ප්‍රභාත් ජයසූරිය ලකුණු 12 ක් ලබා සිටි.