සුනඛ දඩයමේ පැමිණි කදුකර කොටියෙකු වතු කම්කරුවෙකුට අද (01) දින පහර දි බරපතල ලෙස තුවාල සිදු කර ඇති බව බගවන්තලාව ටින්සින් වතුයායේ වතු පාලන අධිකාරිය පැවසිය.
බගවන්තලාව පොලිස් වසමට අයත් ටින්සින් වතුයායේ තේ කර්මාන්ත ශාලාව අසල තේ වත්තේ කෘෂි රසායනික ද්රව්ය යොදමින් සිටි වතු කම්කරුවෙකුට මෙසේ කදුකර කොටියා පහර දි තුවාල සිදු කර ඇත.
තේ වත්තේ වැඩ කරමින් සිටි තුවාලකරු සුනඛයෙකු කෑගසන ශබ්දය ඇසිමත් සමග එය සොයා බැලිමට ඒ අසලට ගිය අවස්තාවේ සුනඛයෙකු ගොදුරු කරගෙන සිටි කදුකර කොටියා පහර දි තුවාල සිදු කර පලාගිය බවයි තුවාල ලැබු වතු කම්කරුවා සමග තේ වත්තේ වැඩ කරමින් සිටි සෙසු වතු කම්කරුවන් කියා සිටියේ
(01)දින උදැසන 10 ට පමණ මෙම පහර දිම සිදු වු බවත්, පහර කැමෙන් බරපතල ලෙස තුවාල ලැබු වතු කම්කරුවා බගවන්තලාව ප්රාදේශිය රෝහල වෙත ඇතුලත් කිරිමෙන් පසු ඔහුගේ තත්ත්වය බරපතල නිසා තුවාලකරු වැඩිදුර ප්රතිකාර සදහා දික්ඔය මුලික රෝහල වෙත මාරු කර යවා ඇත.
පහර දුන් කදුකර කොටියා ගොදුරු කරගෙන සිටි සුනඛයාද අතහැර දමා පලාගොස් ඇති බවත්, සුනඛයාද බරපතල ලෙස තුවාල ලබා ඇති බවයි එම වතුයායේ වතු කම්කරුවන් කියා සිටියේ.
තම වතුයායේ නිවාස වල සුරතලේට ඇති කරන සුනඛයින් නිරත අතුරුදහන් වන බවත්, තම තේ වත්තේ නිතර නිතර කදුකර කොටියන් සැරි සරන බවයි එම වතුයායේ වතු කම්කරුවන් කියා සිටියේ.
තම වත්තේ සැරිසරන කදුකර කොටියන් රක්ෂිතයකට පලවා හැරිමට වනජිවි නිලධාරින් පියවර ගත යුතු බවද වතු කම්කරුවන් කියා සිටියි.