ලෝක කුසලාන පාපන්දු තරගාවලියේ බී කාණ්ඩය යටතේ පැවති වේල්ස්- ඇමරිකා අතර තරගය ජය පැරදුමින් තොරව නිමාවිය. මෙය මෙවර තරගාවලියේ ජය පැරදුමින් තොරව නිමාවූ පළමු තරගය විය.
අල් රයන් හිදී අද රාත්රී පැවැත්වූ මෙම තරගයේ 36 වැනි මිනිත්තුවේදී ඇමරිකාවට පළමු ගෝලය වාර්තා කිරීමට ඉදිරිපෙළ ක්රීඩක තිමොති වීයා සමත්විය. ඒ අනුව තරගයේ පළමු අර්ධය නිමා වූයේ ගෝල 1-0 ක් ලෙසින් ඇමරිකාව ඉදිරියෙන් පසුවෙමිනි.
නමුත් 82 වැනි මිනිත්තුවේදී ලැබුණු දඩුවම් පහරක් සාර්ථකව ගෝලයක් බවට පරිවර්තනය කර ගැනීමට වේල්ස් සුපිරි ඉදිරිපෙළ ක්රීඩක ගැරත් බේල් සමත්වූයේ ගෝල තත්වය 1-1 ක් බවට පත් කරමිනි.
මෙම කණ්ඩායම් දෙක අන්තර්ජාතික පාපන්දු පිටියේදී හමුවූ දෙවැනි අවස්ථාව මෙයවිය. මීට පෙර අන්තර්ජාතික සුහද තරගාවලි හිදී හමුවූ අවස්ථා දෙකේදී එක්තරගයක ජය ඇමරිකාවට හිමිවී ඇති අතර අනෙක් තරගය ජය පැරදුමින් තොරව නිමා වී ඇත.
වත්මන් පාපන්දු ශ්රේණිගත කිරිම්හි ඇමරිකාව 16 වැනි ස්ථානයේත් වේල්සය 19 වැනි ස්ථානයේත් පසුවේ.