චන්ද්රයාන් – 3 මෙහෙයුම තුළින් සඳ තරණය කළ සිව්වැනි ජාතිය මෙන්ම සඳේ දකුණු ධ්රැව ප්රදේශයට ගොඩබෑමක් සිදුකළ පළමු රට බවට පත්වූ ඉන්දියාව, සිය අභ්යවකාශ ගවේෂණයේ මීළඟ පියවරට සූදානම් වෙයි.
චන්ද්රයාන් – 3 සාර්ථකත්වය හමුවේ ඉන්දියාව මීළඟට සැරසෙන්නේ ඉර තරණයට ය.
ආදිත්යා L-1 නැමැති සූර්ය ගවේෂණ නිරීක්ෂණාගාරය සැප්තැම්බර් 02 වන සෙනසුරාදා දකුණු ඉන්දියාවේ ආන්ද්රා ප්රදේශ් ප්රාන්තයේ ශ්රී හරිකෝටා අභ්යවකාශ තොටුපොළෙන් නික්මීමට නියමිත බව ඉස්රෝ (ISRO) නැත්නම් ඉන්දීය අභ්යවකාශ පර්යේෂණ සංවිධානය නිවේදනය කළේය.
හින්දි බසින් හිරු හඳුන්වන ආදිත්යා ලෙස නම් කළ ඉන්දියාවේ සූර්ය ගවේෂණ යානය සූර්ය ගවේෂණය වෙනුවෙන් ඉන්දියාව නිපදවූ පළමු අභ්යවකාශ යානය ලෙස හැඳින්වෙයි.
හිරුගේ ක්රියාකාරීත්වය අධ්යයනය කිරීම සඳහා ඉන්දියාව උඩුගුවනට යවන ආදිත්යා L-1 මාස 04ක් තිස්සේ කිලෝමීටර් මිලියන 1.5ක් ගමන්කොට හිරුගේ ආසන්නයට ළඟාවීමට නියමිතය.
අවුරෝරා ලෙස හඳුන්වන පොළව මත බලපෑම් ඇති කළ හැකි සූර්ය සුළං පිළිබඳ අධ්යයනය කිරීම ද ආදිත්යා මෙහෙයුමට අයත්ය.
දීර්ඝ කාලීනව එම දත්ත මගින් පෘථිවියේ කාලගුණ රටාවන්ට හිරුගේ බලපෑම පිළිබද වඩාත් හොඳ අවබෝධයකින් ලබාගත හැකිවනු ඇති බව ඉන්දීය විද්යාඥයෝ විශ්වාස කරති.
2019 වසරේදී අනුමත කෙරුණු ආදිත්යා L-1 සූර්ය ගවේෂණ ව්යාපෘතියට වැය කෙරෙන මුදල ඩොලර් මිලියන 46කි.
චන්ද්රයාන් – 3 සඳ ගවේෂණය ඉන්දියාව සිදුකළේ, ඩොලර් මිලියන 75ක පමණ පිරිවැයකිනි.