ඇවන්ගාඩ් හිටපු සභාපති අද ජනාධිපති කොමිසම හමුවට

ඇවන්ගාඩ් සමාගමේ හිටපු සභාපති නිශ්ශංක සේනාධිපති මහතා අද(26) දේශපාලන පළිගැනීම් පිළිබඳ සොයාබැලීමේ ජනාධිපති පරීක්ෂණ කොමිෂන් සභාව හමුවේ පෙනී සිටීමට නියමිතව තිබේ.

ඇවන්ගාඩ් සමාගම අත්තනෝමතික ආකාරයෙන් පවරා ගැනීම හේතුවෙන් සිදුවු හානිය සම්බන්ධයෙන් නිශ්ශංක සේනාධිපති මහතා විසින් ජනාධිපති කොමිසම වෙත පැමිණිල්ලක් සිදුකර තිබුණි.

ඊට අදාලව ප්‍රකාශයක් ලබාදීම සඳහා ඔහු අද පෙරවරු 09.30 ට කොමිසම හමුවේ පෙනී සිටීමට නියමිතයි.

එම පැමිණිල්ල පිළිබඳ සාක්ෂි සටහන් කර ගැනීමේ කටයුතු අද දිනයේ පළමු වරට ආරම්භ වන අතර ජනාධිපති කොමිසමේ පොලිස් ඒකකය මඟින් මූලික විමර්ශන අවසන් කළ තවත් පැමිණිලි දෙකක සාක්ෂි විමසීමේ කටයුතු ආරම්භ කෙරෙයි.

හිටපු අමාත්‍යාංශ ලේකම්වරයෙකු වන වික්ටර් සමරවීර සහ ජාතික පොලිස් කොමිශන් සභාවේ හිටපු වැඩබලන ලේකම් සමන් දිසානායක යන මහත්වරුන් විසින් ජනාධිපති කොමිසම වෙත ඉදිරිපත් කළ පැමිණිලිවල විමර්ශන අද සිට ආරම්භ වන බව සඳහන්.

Sharing is caring!

Leave a Reply

Your email address will not be published. Required fields are marked *