කෝටි දෙකක මත්ද්‍රව්‍ය සමඟ දෙදෙනෙක් එස්ටීඑෆ් දැලේ

කෝටි දෙකක වටිනාකමකින් යුත් මත්ද්‍රව්‍ය සමඟ මත්ද්‍රව්‍ය ජාවාරමේ නියැලුණු පුද්ගලයින් දෙදෙනකු අද (31) අත්අඩංගුවට ගත් බව පොලිස් විශේෂ කාර්ය බලකාය පවසයි.

පොලිස් විශේෂ කාර්ය බලකා නිලධාරීන්ට ලැබුණු විශේෂ තොරතුරක් මත වැල්ලම්පිටිය ප්‍රදේශයේ කළ විශේෂ මෙහෙයුමකදී මෙම පුද්ගලයින් දෙදෙනා අත්අඩංගුවට ගෙන තිබේ.

ඔවුන් වැල්ලම්පිටිය ප්‍රදේශයේම පදිංචිකරුවෝ වන අතර කාලයක සිට හෙරොයින් ජාවාරමේ නියැලෙන පුද්ගලයින් බව තොරතුරු අනාවරණය කරගෙන තිබේ.

සැකකරුවන් අත්අඩංගුවට ගන්නා අවස්ථාවේදී ඔවුන් සතුව තිබී ක්‍රිස්ටල් හෙවත් ‘අයිස් ‘ නැමැති මත්ද්‍රව්‍ය කිලෝ 3කට ආසන්න ප්‍රමාණයක්, හෂිෂ් මත්ද්‍රව්‍ය කිලෝ 2 ග්‍රෑම් 449 ක් සහ හෙරොයින් ග්‍රෑම් 16 ක් සිය බාරයට ගත් බව පොලිස් විශේෂ කාර්ය බළකාය සඳහන් කරයි.

වැඩිදුර පරීක්ෂණ සඳහා සැකකරුවන් පොලිස් මත්ද්‍රව්‍ය නාශක කාර්යාංශයට බාර දී ඇත.

පොලිස් විශේෂ කාර්යය බලකායේ අණදෙන නිලධාරි ජ්‍යෙෂ්ඨ නියෝජ්‍ය පොලිස්පති එම්.ආර් .ලතීෆ් මහතාගේ නියෝග මත කොළඹ විශේෂකාර්ය බලකා මූලස්ථානයේ විශේෂ මෙහෙයුම් අංශය මෙම වැටලීම කර තිබේ.

Sharing is caring!

Leave a Reply

Your email address will not be published. Required fields are marked *