තලේබාන් නායකයාගේ සහෝදරයෙකු බෝම්බ ප්‍රහාරයකින් මරුට

පාකිස්ථානයේ ඉස්ලාම් දේවස්ථානයකට එල්ල කළ බෝම්බ ප්‍රහාරයකින් මියගිය අය අතර ඇෆ්ගනිස්ථානයේ තලේබාන් නායකයාගේ සහෝදරයෙකු ද සිටින බව වාර්තා වී ඇත.

මෙසේ මියගොස් ඇත්තේ තලේබාන් නායක හයබතුල්ලා අක්හුන්සාදාගේ සොහොයුරා වන හෆීස් අහමදුල්ලා වන අතර තලේබාන් නායකයාගේ පුත්‍රයා ද ප්‍රහාරයෙන් තුවාල ලබා ඇතැයි සඳහන් වේ.

බෝම්බ ප්‍රහාරයෙන් හතරදෙනකු පමණ මියගොස් ඇති අතර 20 දෙනකු පමණ තුවාල ලබා ඇත.

පොලිසිය පවසන්නේ මියගිය සංඛ්‍යාව තවදුරටත් ඉහළ යාමට ඉඩ ඇති බවයි.

කටා නගරයෙන් කිලෝමීටර් 25ක් නිරිත දිගින් පිහිටි දේවස්ථානයකට මෙම ප්‍රහාරය එල්ල වී ඇති අතර මියගිය අය අතර දේවස්ථානය භාර පූජකවරයා ද සිටින බව පැවසේ.

ප්‍රහාරයේ වගකීම මෙතෙක් කිසිවකු බාරගෙන නොමැත.

Sharing is caring!

Leave a Reply

Your email address will not be published. Required fields are marked *