ඉදිරියේදි පරාජය කිරිමට පහසුම අපේක්ෂකයා ‌ගෝඨාභය – කිරිඇල්ල

ඉදිරි ජනාධිපතිවරණයේදී පරාජය කිරීමට පහසුම පොදුජන පෙරමුණ අපේක්ෂකයා. ගෝඨාභය රාජපක්ෂ මහතා බවත් රටම ඉල්ලා සිටින අපේක්ෂකයා ඉදිරි ජනාධිපතිවරණයේදී එක්සත් ජාතික පක්ෂය නියෝජනය කරමින් ඉදිරිපත් කරන බව පාර්ලිමේන්තු සභානායක, රාජ්‍ය ව්‍යවසාය සංවර්ධන, උඩරට උරුමය සුරැකීමේ හා මහනුවර සංවර්ධන ඇමැති ලක්ෂ්මන් කිරිඇල්ල මහතා පවසයි.

පිළවල, නෙළුම්පත්හින්න ශ්‍රී ඉසිපතනාරාම විහාරයේ ඊයේ ( 11 ) පැවැති ආගමික උත්සවයකින් අනතුරුව අමාත්‍යවරයා මේ බව ප්‍රකාශ කළේය.

මේ අය ඇමරිකන් විරුද්ධකිව්වත් රාජපක්ෂ පවුල පිටින්ම ඇමරිකන් පුරවැසියන් හා ග්‍රීන් කාඩ් කාරයන්. අසනිපයක් වුණු විට යන්නේ ඇමරිකාවට, දරුවන් ඉගෙන ගන්නෙ ඇමරිකාවේ, විනෝදවෙන්න යන්නෙත් ඇමරිකාවට. ජනපති අපේක්ෂකයන් යුද්ධය අවසන් කාලයේදි වසර 10 ක් රට ඇර ඇමරිකාවට ගිය බවත් පසුගිය රනිල් වික්‍රමසිංහ අගමැතිතුමාගේ පාලන සමයේදි එල් ටි ටි ඊ සංවිධානයේ කොදු නාරටිය බදු කරුණා අම්මාන් කඩා ගත් පසුව එල් ටි ටි ඊ සංවිධානය බිඳ වැටුණු බවද ලක්ෂ්මන් කිරිඇල්ල මහතා පවසයි.

ශ්‍රී ලංකා පොදුජන පෙරමුණ නියෝජනය කරමින් කුමන අපේක්ෂකයෙකු ඉදිරිපත් කළත් එය එක්සත් ජාතික පක්ෂයට කිසිදු අභියෝගයක් නොවන බවත් ඉදිරි ජනාධිපතිවරණයේ දී පසුගිය වර්ෂයට වඩා වැඩි ඡන්ද ප්‍රමාණයකින් ජනාධිපතිවරණය ජයග්‍රහණය කරන බවද කිරිඇල්ල මහතා සඳහන් කළේය.

ශ්‍රී ලංකා පොදුජන පෙරමුණේ අපේක්ෂකයා තෝරාගන්නේ රාජපක්ෂ පවුල වුවත් එක්සත් ජාතික පක්ෂය ජනාධිපති අපේක්ෂකයා තෝරන්නෙ ඒ කිසිවකු නොව කෘත්‍යාධිකාරී මණ්ඩලය විසින් යැයි ද අමාත්‍ය ලක්ෂ්මන් කිරිඇල්ල මහතා වැඩිදුරටත් ප්‍රකාශ කළේය.

ඉදිරි දහඅටවන දින ජනතා විමුක්ති පෙරමුණේ ජනාධිපති අපේක්ෂකවරයා ප්‍රකාශ කිරීමෙන් අනතුරුව එක්සත් ජාතික පක්ෂයේ කෘත්‍යාධිකාරි මණ්ඩලය එක්ව ඉදිරි ජනාධිපති අපේක්ෂකයා කවුරුන්දැයි තෝරා ප්‍රකාශ කරන බවද අමාත්‍යවරයා ප්‍රකාශ කළේය.

ශ්‍රී ලංකා රාමඤ්ඤ මහ නිකායේ මහානායක අතිපූජ්‍ය නාපාන ප්‍රේමසිරි හිමි ඇතුළු මහා සංඝරත්නය ද නගර සංවර්ධන හා ජල සම්පාදන රාජ්‍ය අමාත්‍ය ලකී ජයවර්ධන මහතා, මහනුවර දිස්ත්‍රික් පාර්ලිමේන්තු මන්ත්‍රී මයන්ත දිසානායක මහතා ඇතුළු පිරිසක් මේ අවස්ථාවට එක්වූහ.

Sharing is caring!

Leave a Reply

Your email address will not be published. Required fields are marked *