රාජිත කියන්නේ බොරු , ආනයනික පළතුරුවල වසවිස තිබෙනවා – GMOA

ආනයනික පලතුරු වර්ග කිහිපයක වසවිස තිබෙන බවට රස පරීක්ෂකවරයා ප්‍රකාශ කර තිබියදී එවැනි දෙයක් නැතැයි සෞඛ්‍ය අමාත්‍යාංශය ප්‍රකාශ කිරීම ජනතාව අතරමං කිරීමක් බව රජයේ වෛද්‍ය නිලධාරීන්ගේ සංගමය සඳහන් කරයි.

ආනයනික පලතුරු වර්ග කිහිපයක වසවිස ඇත්දැයි සෙවීමට සෞඛ්‍ය අමාත්‍යාංශය පරීක්ෂණයක් සිදුකර තිබෙනවා නම් එය වහාම රටට හෙළි කළ යුතු බවත්, එහෙත් එවැනි පරීක්ෂණයක් කිරීමට සෞඛ්‍ය අමාත්‍යාංශය සතුව පහසුකම් නොමැති බවත් එම සංගමයේ ලේකම් වෛද්‍ය හරිත අලුත්ගේ මහතා සඳහන් කළේය.

ආනයනික කිරිපිටවල වසවිස තිබෙන බවට හෙළි වී තිබියදීත් එවැනි දෙයක් නැතැයි සෞඛ්‍ය අමාත්‍යවරයා ඇතුළු කිහිප දෙනෙකු ප්‍රකාශ නිකුත් කරමින් ජනතාව අතරමං කර දැමූ බවද ඔහු කියා සිටියේය.

ඊයේ (18දා) පැවැති මාධ්‍ය සාකච්ඡාවකදී මේ බව කී ලේකම්වරයා වැඩිදුරටත් සඳහන් කළේ ආනයනික ඇපල්, දොඩම් සහ මිදිවල පළිබෝධනාශක සංඝටක ඇතැයි රස පරීක්ෂකවරයා ප්‍රකාශ කර තිබෙන්නේ පාර්ලිමේන්තු ගිණුම්කාරක සභාවට බවයි.

Sharing is caring!

Leave a Reply

Your email address will not be published. Required fields are marked *