විල්පත්තුවේ දඩයමේ ගිය දෙදෙනෙක් ගිනිඅවි සමඟ දැලේ

විල්පත්තුව ජාතික වන උද්‍යානයේදි ගොනන් මරා මස් වියළා අලෙවි කිරීමේ නිරතව සිටි සැකකරුවන් දෙදෙනෙකු. ගිනිඅවි දෙකක් සමඟ අද 21 අලුයම අත්අඩංගුවට ගත් බව වනාතවිල්ලුව පොලීසිය පවසයි.

මෙසේ අත්අඩංගුවට ගෙන ඇත්තේ වනාතවිල්ලුව එළුවන්කුලම හා කරතිව් සිංහනාගවිල්ලුව ප්‍රදේශවල පදිංචිකරුවන් දෙදෙනෙකි.

අත්අඩංගුවට ගෙන ඇති සැකකරුවන් ප්‍රසිද්ධ දඩයම් කරුවන් බවද පොලිස් පරීක්ෂණ වලදි හෙළි කර ගෙන තිබේ .

එසේම මෙම සැකකරුවන් තවත් දඩයම් කරුවන් සමඟ එක්වි විල්පත්තුව ජාතික වන උද්‍යානය තුළ සැරිසරන ගොනන් මරා උද්‍යානය තුළම වේලා ගෙන ඉන්පසුව ධිවර යාත්‍රා මගින් කල්පිටියට රහසේ ප්‍රවාහනය කරන බවටද තොරතුර ලැබි ඇති බවද පවසයි.

අත්අඩංගුවට ගත් සැකකරුවන් කරතිව් ඌරලිය කලපු තිරයේ ධිවර වාඩියක රැදි සිටියදී වියලන ලද ගොන මස් කිලෝ ‍07ක් හා බලපත්‍ර නොමැති බොර 12 ගිනිඅවි දෙකක් සහ හිස් පතොරම් කොපු හතරක් ද සමඟ පොලිස් කණ්ඩායම රැකවල්ලා සිට අත්අඩංගුවට ගෙන තිබුණි.

අත්අඩංගුවට ගත් සැකකරුවන් අද (21) දින දහවල් පුත්තලම දිසා අධිකරණයට ඉදිරිපත් කිරීමට නියමිතය.

Sharing is caring!

Leave a Reply

Your email address will not be published. Required fields are marked *