රියදුරු-කොන්දොස්තර නැතිව වෙන කෙනෙක් ඇල්පිටියේ බසයක් පදවාගෙන ගිහින්

ඇල්පිටිය බස් නැවතුම්පොලෙහි නවත්වා තිබු ලංගම බසයකට නැගි නාඳුනන පුද්ගලයකු බසයේ කොන්දොස්තර හා රියදුරු බසයේ නොමැති අවස්ථාවේදී බසය ධාවන කර රැගෙන යමින් සිටියදී ඇල්පිටිය බටුහේන ප්‍රදේශයේදී අත්අඩංගුවට ගත් බව පොලීසිය පවසයි.

උඩුගම ඩිපෝවට අයත් මෙම ලංගම බස් රථය මීගමුව බලා යාමට උඩුගම ඩිපෝවෙන් පිටත්ව තිබේ. අනතුරුව ඇල්පිටිය බස්නැවතුම් පොළේ බසය නතරකර රියදුරු හා කොන්දොස්තරවරයා බසයෙන් බැස ගිය අවස්ථාවේදී බසයට නැගුණු මෙම පුද්ගලයා මගීන්ද සිටියදී බසය රැගෙන ගොස් ඇතැයි පොලීසිය සඳහන් කරයි.

එම පුද්ගලයා බසය කිලෝමිටර්යක් පමණ ධාවනය කරගෙන ගොස් ඇති අතර , බසයේ රියදුරු හා කොන්දොස්තරවරයා ත්‍රී රෝද රථයකින් බසය පසුපස ගොස් බසය නවත්වාගෙන බසය රැගෙන ගිය පුද්ගලයා ඇල්පිටිය පොලිසියට භාරදී ඇත.

ඔහු මෙවැනි ක්‍රියාවක් සිදු කළේ ඇයි දැයි යන්න පිළිබඳව නිසි තොරතුරක් නොමැති අතර ඔහු මානසික රෝගයකින් පෙළෙන අයකුද යන්න පරීක්ෂා කෙරන බවත් සැකකරු අධිකරණයට ඉදිරිපත් කිරිමට නියමිත බවත් පොලිසිය පවසයි.

Sharing is caring!

Leave a Reply

Your email address will not be published. Required fields are marked *