ට්‍රම්ප් – කිම් ජොන්ග් දෙවැනි සාකච්ඡාව පෙබ. 27 හා 28දා

උතුරු කොරියාව සමග න්‍යෂ්ටිකහරණය සම්බන්ධ දෙවැනි සාකච්ඡා වටය මෙම මස අවසාන භාගයේදී සිදුකරන බව ඇමෙරිකානු ජනපති ඩොනල්ඩ් ට්‍රම්ප් පවසයි.

ඇමෙරිකානු නායකයා මෙසේ අදහස් දක්වා සිටියේ එරට කොංග්‍රස් මණ්ඩලය (පාර්ලිමේන්තුව) ඉදිරියේ වාර්ෂිකව සිදුකරන ‘ස්ටේට් ඔෆ් ද යූනියන්’ ප්‍රතිපත්ති ප්‍රකාශය ඉදිරිපත් කරමිනි.

කෙසේ වෙතත්, මෙවර වාර්ෂික කතාව සුපුරුදු දින වකවානු ඉක්මවා යමින් සිදුවූයේ ට්‍රම්ප් යෝජනා කළ මෙක්සිකෝ දේශසීමා තාප්පය සම්බන්ධයෙන් වූ අරමුදල් සම්පාදනයට ඩිමොක්‍රටික්වරු එකඟ නොවීම නිසා ඇති වූ දේශපාලන අර්බුදය හේතුවෙනි. මේ හේතුවෙන් ඇමෙරිකානු රජය තාක්ෂණිකව අඩපණවීමකටද ලක්විය.

කෙසේ වෙතත්, මෙවර කතාවේදී ට්‍රම්ප් යළිත් අවධාරණය කරනු ලැබුවේ මෙක්සිකෝ දේශසීමා තාප්පය ඉදිකිරීමට කටයුතු කරන බවටය.

දේශපාලන එක්සත් භාවයක් සඳහා එක්වන ලෙස ඉල්ලා සිටි ඔහු, මෝඩ පක්ෂග්‍රාමී පරීක්ෂණ ඇමෙරිකානු සමෘද්ධියට හානි කරන බවද කියා සිටියේය.

ඒ අනුව, උතුරු කොරියානු නායක කිම් ජොන්ග්-උන් සමග වියට්නාමයේදී සිදුවන දෙවැනි සාකච්ඡා වටය පෙබරවාරි 27 – 28 දිනවල සිදුකෙරෙනු ඇති බව ට්‍රම්ප් වැඩිදුරටත් කියා සිටියේය.

Sharing is caring!

Leave a Reply

Your email address will not be published. Required fields are marked *