Hot News

ජනපතිගෙන් අගමැතිට තවත් දොස් මුරයක්

විධායක ජනාධිපති ධූරය අහෝසි කළ යුතුය යන්න එදා මෙන්ම අද ද තම දේශපාලන ප‍්‍රතිපත්තිය බව ප‍්‍රකාශ කළ ජනාධිපති මෛත්‍රීපාල සිරිසේන මහතා එය අතපසු කළේ තමා නොව, පාර්ලිමේන්තුව බවත්, එහෙත් මැතිවරණයක් නිවේදනය කර ඇති මේ මොහොතේ ඊට උත්සාහ දැරීම විහිලුවට කරුණක් බවත් කියා සිටියේය.

ජනාධිපතිවරයා මේ බව ප‍්‍රකාශ කළේ ඊයේ (21දා) පස්වරුවේ නාවුල දී පැවති ශී‍්‍ර ලංකා නිදහස් පක්ෂ මාතලේ දිස්ති‍්‍රක් සමුළුව අමතමිනි.

විධායක ජනාධිපති ධූරය අහෝසි කිරීම පිළිබඳ පසුගියදා කැඳ වු හදිසි විශේෂ කැබිනට් රැස්වීම තම අවශ්‍යතාවයට අනුව කැඳවූ බවට අගමැතිවරයා කර ඇති ප‍්‍රකාශය පිළිබඳව ද අදහස් දැක්වූ ජනාධිපතිතුමා කියා සිටියේ එය ඉතා වැරදි ප‍්‍රකාශයක් බවත් එම කැබිනට් රැස්වීම් පැවැත්වීමට කටයුතු කෙරුණේ අග‍්‍රාමාත්‍යවරයාගේ ඉල්ලීම අනුව බවත් ය.

එමෙන්ම මේ දිනවල මාධ්‍යවල පළවන අල්ලස් හා දූෂණ විමර්ශන කොමිෂන් සභාවේ හිටපු අධ්‍යක්ෂ ජනරාල්වරියගේ හඬ පටය පිළිබඳව ද අදහස් දැක්වූ ජනාධිපතිවරයා සිහිපත් කළේ, ඇය සිය තනතුර අතහැර ගියේ තම අනුදැනුමකින් තොරව හිටපු ත්‍රිවිධ හමුදාපතිවරු අධිකරණයට ගෙන ගිය අවස්ථාවේ තමා විසින් සිදුකළ ප‍්‍රකාශයක් හේතුවෙන් බවයි.

උදේ සිට සවස 4.00 වන තුරු අල්ලස් හෝ දූෂණ විමර්ශන කොමිසමේ රාජකාරි කර සවස 6.00න් පසු අරලිගයග මන්දිරයේ දූෂණ වංචා ලේකම් කාර්යාලයේ රාජකාරි කළ දිල්රුක්ෂි ඩයස් මහත්මිය ශ්‍රේෂ්ඨාධිකරණ විනිසුරු ධූරයක් සඳහා පත්කරන ලෙස මෑතක දී ද අග‍්‍රාමාත්‍යවරයා විසින් තමාගෙන් ඉල්ලීමක් කළ බව මෙහිදී සිහිපත් කළ ජනාධිපතිවරයා දිල්රුක්ෂි ඩයස් මහත්මියගේ හඬ පටයේ සඳහන් වන අන්දමින් වැරදි විදියට නඩු දමන්න ඇයට උපදෙස් ලබා දුන් එම පහත් පෙළේ දේශපාලනඥයන් කවුදැයි රටට හෙළිකරන ලෙස තමා ඇයට දන්වන බවත් එය රටට අනාවරණය කිරීම අත්‍යාවශ්‍ය බවත් කියා සිටියේය.

මේ අතර ඊයේ දින තමා සහ පාස්කු ඉරිදා ප‍්‍රහාරය පිළිබඳ කරුණු සෙවීමේ පාර්ලිමේන්තු තේරිම් කාරක සභා නියෝජිතයන් අතර පැවති හමුව මාධ්‍යයට අනාවරණය නොකිරීම තමාගේ ඉල්ලීමට අනුව සිදුවූ බවට කෙරෙන අසත්‍ය ප‍්‍රචාර පිළිබඳව ද අදහස් දැක්වූ ජනාධිපතිවරය කියා සිටියේ එම සාකච්ඡාව ආරම්භයේ සිට අවසානය දක්වා මාධ්‍යයට විවෘත කිරීමට තමා සියලූ කටයුතු සූදානම් කර තිබුණත් එසේ නොකරන ලෙස ඉල්ලා සිටියේ එම පාර්ලිමේන්තු තේරිම් කාරක සභාව විසින් ම බවයි.

More from Hot News

ජනාධිපතිවරණය නොවැම්බර් 16

ජනාධිපතිවරණය නොවැම්බර් මස 16 වනදා පැවැත්වීමට නියමිත බව මැතිවරණ කොමිසම මීට සුළු මොහොතකට පෙර අද දෙරණට සඳහන් කළේය. ඒ අනුව නොවැම්බර් 16 වනදා පැවැත් වෙන ජනාධිපතිවරණයට අදාළ නාමයෝජනා කැඳවීම ඔක්තෝබර් මස 07වනදා ආරම්භ වනු ඇතිබ වාර්තා වෙයි. ජනාධිපතිවරණයට අදාළ ගැසට් … read more

රජයේ වෛද්‍ය නිලධාරීන් අද වර්ජනයක

ඉල්ලීම් කිහිපයක් මුල් කර ගනිමින් දීපව්‍යාප්ත සංඛේත වැඩවර්ජනයක නිරත වීමට රජයේ වෛද්‍ය නිලධාරීන්ගේ සංගමය තීරණය කර තිබේ. එහි විධායක කමිටු සාමාජික වෛද්‍ය ප්‍රසාද් කොළඹගේ මහතා සදහන් කළේ අද පෙරවරු 08.00 සිට පැය 24 ක කාලයක් මෙම වැඩවර්ජනය ක්‍රියාත්මක කරන බවයි. … read more

සජිත්ගෙන් අගමැතිට ලිපියක් – රහස් ඡන්දයක් ඉල්ලයි

එක්සත් ජාතික පෙරමුණේ ජනපති අපේක්ෂකයා නම් කිරිම සඳහා රහස් ඡන්දයක් පවත්වන. ලෙස අමාත්‍ය සජිත් ප්‍රේමදාස මහතා පවසයි. ඊයේ (16දා) තිස්සමහාරාමයේ පැවැති ජනහමුවකදී ඔහු මේ බව පැවැසීය. “ආයේ කථා දෙකක් නෑ, එළැඹෙන ජනපතිවරණයට සජිත් ප්‍රේමදාස තරග කරනවා ස්ථිරයි සත්තයි. මම පුන … read more

අපිට දෙගොල්ලොම අත වනනවා-ජනපති

පක්ෂයටත්, පාක්ෂිකයන්ටත් අසාධාරණයක් සිදු නොවන සියලු දෙනාට පිළිගත හැකි වැඩපිළිවෙළකට ශ්‍රී ලංකා නිදහස් පක්ෂය සූදානම් බව ජනාධිපති මෛත්‍රීපාල සිරිසේන මහතා පවසයි. ශ්‍රී ලංකා නිදහස් පක්ෂය අවතක්සේරුවට ලක් කිරීමට කිසිවෙකුට ඉඩ නොතබන අතර, එසේ සිදුවුවහොත් පක්ෂයේ ශක්තිය ඔවුන් සියලූ දෙනාට පෙන්විමට … read more

SLFP ජාතික ලැයිස්තු මන්ත්‍රී 5ගේ පක්ෂ සාමාජිකත්වය අත්හිටුවයි

ශ්‍රී ලංකා නිදහස් පක්ෂයෙන් ජාතික ලැයිස්තු මන්ත්‍රීවරුන් ලෙස පත් කළ මන්ත්‍රීවරු 05 දෙනෙකුගේ පක්ෂ සාමාජිකත්වය තහනම් කිරිමට කටයුතු කරන බව ශ්‍රී ලංකා නිදහස් පක්ෂ මහ ලේකම් පාර්ලිමේන්තු මන්ත්‍රී දයාසිරි ජයසේකර මහතා පැවසීය. මාතලේ ප්‍රදේශයේදී මාධ්‍ය හමුවක් කැඳවමින් ඔහු මේ බව … read more

ඒකාධිපති බලයක් රටට අවශ්‍ය නෑ-රනිල්

රටට වැඩ කිරීම සඳහා ඒකාධිපති බලයක් අවශ්‍ය නොවන බව අග්‍රාමාත්‍ය රනිල් වික්‍රමසිංහ මහතා පවසයි. අග්‍රාමාත්‍යවරයා මේ බව ප්‍රකාශ කළේ ඊයේ (13) පස්වරුවේ කොළඹදී පැවති උත්සවයකට එක්වෙමින්ය. එහිදී වැඩිදුරටත් අදහස් දක්වමින් අග්‍රාමාත්‍ය රනිල් වික්‍රමසිංහ මේ බව පැවසීය. “අද එක උත්සවයකින් නිවාස … read more

ඇවන්ගාඩ් අල්ලස් නඩුවෙන් ගෝඨාභය නිදහස්

ඇවන්ගාඩ් සමාගමට පාවෙන අවි ගබඩාවක් පවත්වාගෙන යාමට ඉඩ දී රජයට රුපියල් කෝටි 1140 ක පාඩුවක් කළැයි චෝදනා කරමින් අල්ලස් හෝ දූෂණ චෝදනා විමර්ශන කොමිෂන් සභාව පවරා තිබූ නඩුවේ චෝදනාවලින් හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු අටදෙනා නිදහස් කිරීමට අභියාචනාධිකරණය … read more

සාකච්ඡා සාර්ථකයි – සජිත්

අග්‍රාමාත්‍ය රනිල් වික්‍රමසිංහ මහතා හා පැවැති සාකච්ඡාව සාර්ථක බවත් එහි ප්‍රතිඵල. ඉදිරි දින කිහිපයේදී දැක ගැනීමට හැකිවනු ඇති බවත් අමාත්‍ය සජිත් ප්‍රේමදාස මහතා පැවැසීය. රනිල් – සජිත් සාකච්ඡා අවසන් වීමෙන් පසුව ඔහු මේ බව පැවැසිය. කොළඹ අරලිය ගහ මන්දිරයේදී මෙම … read more

රනිල්-සජිත් තීරණාත්මක සාකච්ඡාව අද රෑට

එක්සත් ජාතික පක්ෂයේ නායක අග්‍රාමාත්‍ය රනිල් වික්‍රමසිංහ මහතා සහ එම පක්ෂයේ නියෝජ්‍ය නායක සජිත් ප්‍රේමදාස මහතා අතර විශේෂ සාකච්ඡාවක් අද(10) දිනයේ පැවැත්වීමට නියමිතව තිබේ. අද රාත්‍රියේ අරලියගහ මන්දිරයේ දී මෙම සාකච්ඡාව පැවැත්වීමට නියමිත බව එක්සත් ජාතික පක්ෂ ආරංචි මාර්ග සඳහන් … read more