Sports

අවුරුදු හතරමාරක් මේ ආණ්ඩුව ක්‍රිකට් විනාශ කළා-අර්ජුන

මෙවර ලෝක කුසලාන තරගාවලියේ සම ශූරතාව එංගලන්තයට සහ නවසීලන්තයට දිය යුතුව තිබුණු බව ලෝක ශූර ක්‍රිකට් නායක අමාත්‍ය අර්ජුන රණතුංග මහතා පවසයි.

අමාත්‍යවරයා මේබව කියා සිටියේ මීරිගම ප්‍රදේශයේ පැවැති ක්‍රීඩා උත්සව කිහිපයකදී ඊයේ (16) අදහස් දක්වමිනි.

මව්රට සහ සේව්ද ස්පෝර්ට්ස් සංවිධානය මෙම ක්‍රීඩා උත්සව සංවිධානය කර තිබිණ.

මෙහිදී වැඩිදුරටත් අදහස් දක්වමින් අමාත්‍ය අර්ජුන රණතුංග මහතා පැවසුවේ ක්‍රිකට් පරිපාලනය නරක තත්ත්වයක තිබියදී ශ්‍රී ලංකා ක්‍රිකට් කණ්ඩායමේ දියුණුවක් අපේක්ෂා කළ නොහැකි බවයි.

එහිදි වැඩිදුරටත් අදහස් දැක්වු අමාත්‍යවරයා,

“මෙවර ලෝක කුසලාන ක්‍රිකට් තරගාවලියේ අවසන් තරගය ලෝක කුසලාන ඉතිහාසයේ මම දැක්ක හොඳම තරගය. මෙම තරගයේදී කණ්ඩායම දෙකේම ලකුණු සම වීම නිසා කණ්ඩායම් දෙකටම සම ශූරතාව ලබා දුන්නා නම් හොඳ යැයි මම පෞද්ගලිකව සිතනවා.

එම තරගාවලියේදී අපේ කණ්ඩායම දිහා බැලූවිට අපේ කණ්ඩායම හිතුවට වඩා දක්ෂතා පෙන්නුම් කළා. නමුත් අපි හරි කණ්ඩායමක් තෝරා තිබුණේ නැහැ. ‍

එසේ හරි කණ්ඩායමක් තෝරාගෙන තිබුණා නම් අපිට අවසන් පූර්ව තරගයට පැමිණීමේ හැකියාව තිබුණා. අපේ කණ්ඩායමේ නවක ක්‍රීඩකයෝ තරගාවලියේදී ක්‍රමානුකූලව තම දක්ෂතා වර්ධනය කර ගත්තා.

නමුත් මැදපෙළේ දුර්වලතාව නිසා අපි ‍බොහෝ වෙලාවට අසරණ වුණේ. වැදගත්ම‍ දේ අපේ ක්‍රිකට් පරිපාලනය නරක තත්ත්වයක තියෙන විට ක්‍රිකට් කණ්ඩායමේ දියුණුවක් දකින්නට ලැබෙන්නේ නැහැ.

අද ක්‍රිකට් පරිපාලනය සිදු කරන්නේ කිසිම විදියකින් ක්‍රිකට් දැනුමක් නැති අය. ඔවුන්ගේ ආශිර්වාදයෙන් ක්‍රිකට් මුදල් වියදම් කරමින් හතලියක් පමණ ලෝක කුසලාන තරගාවලිය බලන්න යනවා.

නමුත් අපේ රටේ පාසලකට ක්‍රිකට් ක්‍රීඩාව උදෙසා සල්ලි දෙන්නැයි කිව්වම ක්‍රිකට් පරිපාලනය අඩනවා. ගමේ දරුවන්ට කී‍්‍රඩාවට අවශ්‍ය පහසුකම් ලබා දෙන්නේ නැහැ. ගමේ කී‍්‍රඩකයින්ට අවශ්‍ය බෝලයක් බැට් එකක් ලබා දෙන්නේ නැහැ. ගමේ පාසලට, ගමට බැට් එකක් බෝලයක් නොදී අපි කොහොමද ලෝකය දිනන්නේ.

මේ වන විට කි‍්‍රකට් කී‍්‍රඩාව විනාශ වෙලා තියෙන්නේ. මේකට මේ ආණ්ඩුව සම්පූර්ණයෙන්ම වග කියන්න ඕන. අද කි‍්‍රකට් පරිපාලනය අන්ත දූෂිතයි. සුදුකාරයෝ, රේස්කාරයෝ නිසා අද කි‍්‍රකට් මුදලට ගිහිල්ලා තියෙන්නේ.

ලෝක කුසලාන ක්‍රිකට් තරගාවලියේ තරග දිහා බලන්න. අයි. පී. එල්. තරගාවලියට ගිය ක්‍රීඩකයින් ඉන්දියාව හමුවේ සාර්ථක වුණාද ? අයි. පී. එල්. ක්‍රීඩා කළ කිසිම ‍ක්‍රීඩකයෙක් ඉන්දියාව හමුවේ සාර්ථක වුණේ නැහැ. නමුත් අද කිසිම ක්‍රිකට් පරිපාලකයෙක් මේවා ගැන කථා කරන්නේ නැහැ.

අවුරුදු හතරමාරක් මේ ආණ්ඩුව ක්‍රිකට් විනාශ කළා. හිටපු ක්‍රීඩා අමාත්‍යවරු විශාල වශයෙන් මේ ක්‍රිකට් ක්‍රීඩාව විනාශ කළා. සූදු කාරයින්ට නැවත වරක් බලය අල්ලන්න අවස්ථාව ලබා දුන්නා. ක්‍රිකට් පරිපාලනය කරන සූදු කාරයොත් ක්‍රීඩා අමාත්‍යවරුන්ට යටි අල්ලස් දුන්නා.

හිටපු ක්‍රීඩා අමාත්‍ය දයාසිරි ජයසේකර මහතාගේ ප්‍රදේශයේ හෙට්ටිපොළ ක්‍රීඩාංගණය හදන්න 2017 වර්සයේදී රුපියල් මිලියන 55 ලබා දුන්නා. නැවත රුපියල් මිලියන 65ක් ලබා දුන්නා. ඔක්කොම රුපියල් මිලියන 120ක්. දැන් ඉන්න ක්‍රීඩා අමාත්‍යවරයාගේ ප්‍රදේශයේ බදුල්ල ක්‍රීඩාංගණයක් හදන්නත් මෙවර ක්‍රිකට් නිලවරණයට පෙර රුපියල් මිලියන 45ක් දුන්නා.

මේවා එක්තරා විදියකින් යටි අල්ලසක් විදියටයි මම දකින්නේ. කොහාම නමුත් දැන් ඉන්න ක්‍රීඩා අමාත්‍ය හරින් ප්‍රනාන්දු මහතා මගේ හොද මිත්‍රයෙක්. ඔහුත් මේ ක්‍රිකට් ක්‍රීඩාව හරි මාර්ගයකට ගෙන ගියේ නැත්නම් ඔහුගේ නමත් ක්‍රිකට් විනාශ කළ හිටපු ක්‍රීඩා අමාත්‍යවරුන්ගේ නම් ගොන්නට එකතු වේවි…”

More from Sports

ක්‍රිකට් ලෝක කුසලානයේ අවසන් මහා තරඟයේ දී විනිසුරුවරුන්ගෙන් දෝෂයක් වුණාද?

ලෝක කුසලාන ක්‍රිකට් තරඟවලියේ අවසන් මහා තරඟයේ දී විනිසුරු දෝෂයක් හේතුවෙන් එංගලන්ත කණ්ඩායමට ලකුණු 06ක් හිමි වු බව හිටපු විනිසුරුවරයෙකු වන සයිමන් ටෝෆල් පවසයි. එංගලන්ත පිතකරුවන් දෙදෙනෙකු ලකුණු 02ක් කරා දිව යාමේදී පන්දු රකින්නා නැවත යොමු කළ පන්දුව එක් පිතිකරුවෙකුගේ … read more

ලෝක කුසලානය එංගලන්තයට

සත්කාරක එංගලන්ත කණ්ඩායම නවසීලන්ත කණ්ඩායම පරාජය කරමින් 2019 එක්දින ලෝක කුසලානයේ ජය හිමිකර ගැනීමට සමත්වූයේය. තියුණු මුහුණුවරක් ගත් අවසන් තරගයේ ලකුණු තත්ත්වයද සමව අවසන් විය. පසුව ක්‍රියාත්මක කළ සුපිරි පන්දුවාරයද සමවිය. ඒ අනුව තරගයේ ජය හයේ හා හතරේ පහරවල් අනුව … read more

රංජන් මඩුගල්ලේ සහ ධර්මසේන ලෝක කුසලාන අවසන් තරගයට

මෙවර ලෝක කුසලාන එක්දින ක්‍රිකට් තරගාවලියේ අවසන් මහා තරගයේ තරග තීරක සහ විනිසුරුවරයෙකු ලෙස ශ්‍රී ලාංකිකයින් දෙදෙනෙකු නම් කර තිබේ. ඒ අනුව එම තරගයේ තරග තීරක ලෙස රන්ජන් මඩුගල්ලේ නම් කර ඇති අතර කුමාර් ධර්මසේන පිටියේ විනිසුරුවරයෙකු ලෙස නම් කර … read more

එංගලන්තය ලෝක කුසලාන අවසන් මහ තරගයට

2019 ලෝක කුසලාන අවසන් මහ තරගයට සුදුසුකම් ලැබීමට සත්කාරක එංගලන්ත කණ්ඩායම සමත්විය. ඒ අවසන් පූර්ව තරගයේදී ඔස්ට්‍රේලියා කණ්ඩායම කඩුලු 8කින් පරාජයට පත්කරමිනි. මුලින්ම පන්දුවට පහරදුන් ඔස්ට්‍රේලියා කණ්ඩායම පන්දුවාර 49කදී සියලු දෙනා දැවී ලකුණු 223ක් රැස්කළේය. පිළිතුරු ඉනිම ක්‍රීඩා කළ එංගලන්ත … read more

නවසීලන්තය අවසන් මහා තරගයට

ප්‍රබල ඉන්දිය කණ්ඩායමේ ලෝක කුසලාන සිහිනය බොඳ කරමින් මෙවර ලෝක කුසලානයේ අවසන් මහා තරගයට සුදුසුකම් ලබා ගැනීමට නවසීලන්ත කණ්ඩායම ඊයේ සමත් වුණි.‍ ඉන්දියාව සහ නවසීලන්ත අවසන් පූර්ව තරගය පැවැත්වීමට සැලසුම් කර තිබුණේ 09 දිනයේය. ඒ අනුව 2008 වසරේ වයස අවුරුදු … read more

ලෝක කුසලාන අවසන් පූර්ව තරගයට වැස්ස හරස්වෙයි

ලෝක කුසලාන ක්‍රිකට් තරගාවලියේ නවසීලන්ත කණ්ඩායම සහ ඉන්දීය කණ්ඩායම අතර පැවති අවසන් පූර්ව වටයේ පළමු තරගය වර්ෂාව හේතුවෙන් තාවකාලිව අත්හිටුවා තිබේ. ඒ අනුව අද(10) දින එම තරගය යළි ආරම්භ වීමට නියමිතයි. තරගයේ කාසියේ වාසිය දිනු නවසීලනත් කණ්ඩායම ප්‍රථමයෙන් පන්දුවට පහරදීමට … read more

ශ්‍රී ලංකා – බංග්ලාදේශ තරගවල කාලසටහන ප‍්‍රකාශයට පත් කරයි

බංග්ලාදේශ කණ්ඩායමේ ශ‍්‍රී ලංකා තරග සංචාරයේ තරග කාලසටහන ප‍්‍රකාශයට පත් කර තිබෙනවා. මෙම තරග සංචාරයේදී දෙරට අතර එක්දින තරග 3ක් පැවැත්වීමට නියමිතයි. එම තරග 3ම දිවා රාත‍්‍රි තරග ලෙස පැවැත්වෙන්නේ කොළඹ ආර්. පේ‍්‍රමදාස ක‍්‍රීඩාංගණයේදීයි. පළමු එක්දින තරගය ලබන 26 වැනිදාත්, … read more

සිංහයින්ට ගිලිහී ගිය ලෝක කුසලානය-අවසන් පූර්ව වටයේ තරග අද

ලෝක කුසලාන ක්‍රිකට් තරගාවලියේ අවසන් පූර්ව වටයේ තරග අද(09) ආරම්භ වීමට නියමිතයි. එහි පළමු තරගය ඉන්දියාව සහ නවසීලන්ත කණ්ඩායම් අතර මැන්චෙස්ටර්හිදී පැවැත් වෙයි. මෙම තරගයෙන් ජයගන්නා කණ්ඩායම අවසන් මහා තරගය ඳහා සුදුසුකම් ලබයි. දෙවන අවසන් පූර්ව තරගය ඔස්ටේලියාව සහ එංගලන්තය … read more

කොලී තවමත් පෙරමුණේ

නවතම අයි.සී.සී.එක්දින පිතිකරු ශ්‍රේණිගත කිරීම්වලට අනුව තවදුරටත් පෙරමුණ ගැනීමට ඉන්දීය කණ්ඩායමේ නායක විරාත් කෝලී සමත්ව තිබේ. ඒ ප්‍රසාද ලකුණු 891ක් ලබාගනිමින්. ශ්‍රේණිගත කිරීම්හි දෙවන ස්ථානයේ රැදි සිටින ඉන්දීය ආරම්භක පිතිකරු රෝහිත් ශර්මා මෙවර ලෝක කුසලාන තරගාවලියේ දී දැක්වු විශිෂ්ට දස්කම් … read more