Lanka Focus News

වයස සහ කොවිඩ් මරණ අතර සබඳතාවයක් !

වයස සහ කොවිඩ් මරණ අතර සබඳතාවයක් !

කොවිඩ් හේතුවෙන් සිදු වූ මරණ වයස් කාණ්ඩ අනුව වර්ගීකරණය කරමින් ලොව පුරා රටවල් කළ අධ්‍යයනවලදී වයසත් සමගම මරණ අනුපාතිකය ද ඉහළ යන බව පෙනී ගොස් ඇතැයි වාර්තා වේ.

වසංගතය පැතිරීමට අදාළ පළමු මාස කිහිපය තුළදී අනුගමනය කෙරුණු සාර්ථක මැඩලීමේ පියවර හේතුවෙන් ඔස්ට්‍රේලියාව අන් බොහෝ රටවලට වඩා අඩු ආසාදිතයන් සංඛ්‍යාවක් වාර්තා කළේය.

ඒ අනුව ආසාදිතයන් ප්‍රමාණය 16,000 ක් පමණ වූ අතර මරණ සංඛ්‍යාව 189 කට සීමා විය.

කෙසේ වෙතත් අනපේක්ෂිත අයුරින් කොවිඩ් දෙවෙනි රැල්ල තුළ රටේ සමස්ථ ආසාදිතයන් 27,000 ඉක්මවූ අතර මරණ 905 තෙක් ඉහළ ගියේය.

ඒ අනුව මරණ වලින් වැඩි ප්‍රමාණයක් වාර්තා වී ඇත්තේ වයස අවුරුදු 70 වැඩි පුද්ගලයින්ය.

කෙසේ වෙතත් මෙල්බර්න් නුවර අයත් වික්ටෝරියා ප්‍රාන්තය වසා දැමීමේ ප්‍රතිඵලයක් වශයෙන් ඔවුන් තත්ත්වය පාලනය කිරීමට සමත් වී ඇතත් ඊයේ නව මරණ 14 ක් එරටින් වාර්තා වී තිබුණි.

අමෙරිකාවේ කොවිඩ් මරණ 207,882 ක දත්ත විශ්ලේෂණය කිරීමේදී පෙනීයන්නේ වයසත් සමගම මරණ අනුපාතිකය ද ඉහළ යන අතර එහිදී පිරිමි පුද්ගලයන්ට වැඩි අවදානමක් පවතින බවය.

ඒ අනුව කොවිඩ් මරණ වයස් කාණ්ඩ අනුව වර්ගීකරණය කිරීමේදී අවුරුදු 45–54 ත් අතර මරණ 11,093ක්ද, 55-64 ත් අතර මරණ 26,525ක්ද , 65–74 අතර මරණ 45,015ක්ද , 75–84 අතර මරණ 55,089ක්ද , 85 සහ ඊට වැඩි පුද්ගලයින් අතර මරණ 63,864 ක් වශයෙන් වාර්තා වී තිබේ.

අවුරුදු 1ට අඩු වයස් සීමාවේ සිට එරටින් කොවිඩ් මරණ වාර්තා වී තිබීම විශේෂත්වයකි.

administrator

    Related Articles

    Leave a Reply

    Your email address will not be published. Required fields are marked *

    Close
    shares